ლინას ლინკევიჩიუსი საქართველოს ასოცირების შეთანხმების ამოქმედებას ულოცავს

2016-07-01 13:42:32, 578 ნახვა

პოლიტიკა

ლიტვის საგარეო საქმეთა მინისტრი ლინას ლინკევიჩუსი საქართველოსა და მოლდოვას ასოცირების ხელშეკრულების ამოქმედებას ულოცავს.

ლინკევიჩუსმა ამ ფაქტთან დაკავშირებით სპეციალური ვიდეომიმართვაც გაავრცელა.

" საქართველო და მოლდოვა არის ევროპა. ასოცირების შეთანხმება ხსნის საქართველოს მოსახლეობისთვის ევროპულ ბაზარს, რაც ხელს შეუწყობს ორი ქვეყნის ეკონომიკურ განვითარებას", - აცხადებს ვიდეომიმართვაში ლინკევიჩუსი.

ვიდეომიმართვის ბოლოს ლიტვის საგარეო საქმეთა მინისტრი საქართველოს მოსახლეობას ქართულად მიმართავს და ამბობს, რომ საქართველო არის ევროპა.

საქართველო-ევროკავშირს შორის გაფორმებული ასოცირების შეთანხმება დღეიდან სრულად ამოქმედდა. ასოცირების შეთანხმების უდიდესი ნაწილი, ღრმა და ყოვლისმომცველი თავისუფალი ვაჭრობის შესახებ შეთანხმების ჩათვლით, ძალაში 2014 წლის 1-ელი სექტემბრიდან შევიდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან