პარლამენტში ფარქცია "ქართული ოცნების" სხდომა მიმდინარეობს. მას საპარლამენტო უმრავლესობის ლიდერი დავით საგანელიძე არ ესწრება. ის სამსახურებრივი მივლინებით თურქეთში იმყოფება.
რაც შეეხება გავრცელებულ ინფორმაციას, რომ ის საპარლამენტო უმრავლესობას ტოვებს, დეპუტატები ამას არ ადასტურებენ და აცხადებენ, რომ საგანელიძის სამომავლო გეგმებზე მათთვის ცნობილი არაფერია. თუმცა, იმასაც ამბობენ, რომ საგანელიძე პარლამენტიდან წასვლის თაობაზე დიდი ხანია საუბროდბდა და ეს არ ნიშნავს იმას, რომ დეპუტატის მანდატს ის  უახლოეს დღეებში დატოვებს.

"დათოს სურვილის  თუ  თავისი მომავლის თაობაზე არავისთვის უთქვამს.
და ეს არ არის დღეს, ხვალ,  ზეგ, ან შემდეგ კვირებში დაგეგმილი. მე როგორც ვიცი, ის უახლოეს დღეებში არ აპირებს ასეთ გადაწყვეტილებას, თუმცა დიდი ხანია  ამ თემაზე საუბრობს. დათო ჩვენ გვჭირდება",-განაცხადა ეკა ბესელიამ.

ამასთან, მანანა კობახიძის ინფორმაციით, დავით საგანელიძის გადაწყვეტილების შესახებ არანაირ ფორმატში არ უმსჯელიათ.

"არსად არც ერთ ფორმატში არ გადაწყვეტილა, რომ დავითი დღეს პარლამენტიდან  მიდის,  ან უმრავლესობის ლიდერობას ტოვებს",-აღნიშნა მანანა კობახიძემ.

"პირველად თ ქვენგან მესმის, ასეთი ხმები ერთი წლის წინ გავრცელდა, მაგრამ შემდეგ არ დადასტურდა. ამიტომ გირჩევთ გადაამოწმეთ საგანელიძესთან",-განუცხადა ჟურნალისტებს ზვიად ძიძიგურმა.

რაც შეეხება გავრცელებულ ინფორმაციას, რომ საგანელიძის მიერ უმრავლესობის შესაძლო დატოვების გადაწყვეტილება შესაძლოა ზაქარია ქუცნაშვილთან უთანხომებას უკავშირდებოდეს, ქუცნაშვილი მედიასთან ამ თემაზე არ საუბრობს და მხოლოდ იმას აცხადებს, რომ საგანელიძე გადაწყვეტილების მიზეზებს თავად განმარტავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN: წელიწადნახევრის წინ ჩაძირული რუსული გემი შესაძლოა ჩრდილოეთ კორეისკენ მიემართებოდა, რომელსაც ბირთვული რეაქტორები გადაჰქონდა

რუბიო ჩინეთში სხვა სახელით გაფრინდა, რათა თავი აერიდებინა პეკინის დაწესებული სანქციებისთვის

ტრამპმა უარყო პუტინთან დონბასის რუსეთისთვის დათმობასთან დაკავშირებით რაიმე შეთანხმების არსებობა

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი