საპატრულო პოლიციის ოთხი ეკიპაჟი, მტკვრის მარჯვენა სანაპიროზე სწრაფად მიმავალი მოტოციკლის დევნას ახორციელებდა. მუსკომედიის თეატრთან, მუშტაიდის ბაღის ასახვევთან, მოტოციკლეტისტი "დაიჰაცუს" მარკის ავტომობილს შეეჯახა.

შეჯახების შედეგად, მოტოციკლის მძღოლი ადგილზე გარდაიცვალა. როგორც მოგვიანებით (დილით)  გახდა ცნობილი, გარდაცვლილი თორნიკე სუხიაშვილია, ყელ-ყურის ახალგაზრდა ექიმი.

დაშავდნენ ავტომობილში მსხდომი მგზავრებიც. სასწრაფო დახმარების მანქანებმა ისინი თბილისის სხვადასხვა კლინიკებში გადაიყვანეს.

როგორც "ექსპრესნიუსს" სასწრაფოს ექიმებმა უთხრეს, მოტოციკლის მძღოლის ტრავმები სიცოცხლისთვის შეუთავსებელი იყო.

საპატრულო პოლიციის თანამშრომლებმა "ექსპრესნიუსს" განუცხადეს, რომ მოტოციკლის მძღოლი არასრულწლოვანი იყო და მათივე ინფორმაციით, ნასვამ მდგომარეობაში. აღმოჩნდა, რომ მოტოციკლის მძღოლი არც არასრულწლოვანი იყო და პატრულს მხოლოდ იმიტომ გაექცა რომ მართვის მოწმობა ჩამორთმეული ჰქონდა,

აღნიშნულ საკითხზე, შინაგან საქმეთა სამინისტრო დეტალურ ინფორმაციას მოგვიანებით გაავრცელებს.

ფოტო შემთხვევის ადგილიდან

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა