საფრანეგთის ხელისუფლებამ ქვეყნიდან რუსი გულშემატკივრების ჯგუფის დეპორტაციის გადაწყვეტილება მიიღო, - ამის შესახებ France Press იუწყება.

მედია საშუალების ინფორმაციით, 14 ივნისს ქალაქ მარსელთან ადგილობრივმა სამართალდამცველებმა 29 რუსი გულშემატკივარი გააჩერეს და დოკუმენტები შეუმოწმეს.

საფრანგეთის ხელისუფლება შიშობს, რომ ფეხბურთის გულშემატკივრები შესაძლოა, Euro-2016-ის მიმდინარეობის დროს საზოგადოებრივი წესრიგისთვის საფრთხეს წარმოადგენდნენ.

როგორც France Press წერს, რუსი გულშემატკივრების ქვეყნიდან დეპორტაციის გადაწყვეტილება საფრანგეთის მთავრობამ 11 ივნისს ინგლისისა და რუსეთის ნაკრებებს შორის მატჩის შემდეგ მომხდარი არეულობის გამო მიიღო.

რუსეთის გულშემატკივრათა გაერთიანების ხელმძღვანელის ალექსანდრ შპრიგინის განცხადებით, ადგილობრივი მთავრობის გადაწყვეტილება უსამართლოა.

მისივე თქმით, საფრანგეთის ხელისუფლება ქვეყნიდან რუსეთის 50-მდე მოქალაქის გაძევებას გეგმავს, მათ შორის ქალების, რომლებსაც არეულობებში მონაწილეობა  არ მიუღიათ.

ცნობისთვის, რუსი გულშემატკივრები საფრანგეთის ქალაქ ლილთან დააკავეს, რომლებიც ხვალინდელ შეხვედრას უნდა დასწრებოდნენ. მატჩში ერთმანეთს რუსეთი სლოვაკეთის ნაკრებს დაუპირისპირდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო