"ევროკავშირის ელჩები დღეს საქართველოსთვის ვიზალიბერალიზაციის დაწესების საკითხზე ვერ შეთანხმდნენ" - ამის შესახებ რადიო "თავისუფლების" ბრიუსელის კორესპონდენტი რიკარდ იოზვიკი "ტვიტერის" საკუთარ მიკრობლოგში წერს.

მისი ინფორმაციით, საქართველოსთვის უვიზო რეჟიმის დაწესების საკითხზე გადაწყვეტილებას 9 ივნისს, ევროკავშირის იუსტიციისა და შინაგან საქმეთა მინისტრების შეხვედრაზე მიიღებენ.

„ევროკავშირის საბჭოს მიზანია, შეათანხმოს საქართველოსთვის ვიზალიბერალიზაცია 9 ივნისს, იუსტიციისა და შინაგან საქმეთა მინისტრების სხდომაზე. უკრაინის, კოსოვოსა და თურქეთის შესახებ კი გადაწყვეტილებას სავარაუდოდ, ამის შემდეგ მიიღებენ“, - წერს ჟურნალისტი.

ცნობისთვის, ევროკავშირის წევრი ქვეყნების მუდმივ წარმომადგენელთა კომიტეტს, საქართველოსთვის ვიზალიბერალიზაციის დაწესების საკითხზე გადაწყვეტილება დღევანდელ სხდომაზე უნდა მიეღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება