"ყველა ქვეყნის მხრიდან პროცესისადმი მხარდაჭერა დადასტურდა“, - დღეს ევროკავშირის საბჭო საქართველოს ვიზალიბერალიზაციის საკითხს განიხილავს

2016-05-24 11:02:31, 768 ნახვა

პოლიტიკა

საქართველოს ვიზელიბერალიზაციის საკითხს ევროკავშირის საბჭო დღეს განიხილავს, ამის შესახებ საქართველოს საგარეო საქმეთა მინისტრმა მიხეილ ჯანელიძემ განაცხადა.

მისივე თქმით, ბრიუსელში "აღმოსავლეთ პარტნიორობისა" და ევროკავშირის საგარეო საქმეთა მინისტერიალზე ყველა ქვეყანამ საქართველოს ლიბერალიზაციის პროცესისადმი მხარადჭერა დაადასტურა.

"ყველა ქვეყნის მხრიდან დადასტურდა საქართველოს ვიზალიბერალზიაციის პროცესისადმი მხარდაჭერა. აბსოლუტურად ყველა ერთხმად ადასტურებდა, რომ საქართველომ თავისი ვალდებულება შეასრულა და ახლა ჯერი ევროკავშირზეა, რომელმაც ეს გადაწყვეტილება უნდა მიიღოს. ხვალ ეს გადაწყვეტილება საბჭოში განიხილება და პროცესი ძალიან წარმატებულად მიმდინარეობს", - განაცხადა გუშინ ჯანელიძემ.

საქართველოს საგარეო საქმეთა მინისტრმა მოუწოდა ჟურნალისტებს, მოვლენებს წინ არ გაუსწრონ.

"ნუ გავუსწრებთ მოვლენებს წინ. პროცესი მიდის წარმატებით. ვიცით, რომ საქართველო ხვალინდელი შეხვედრის დღის წესრიგშია. დაველოდოთ 24 მაისის განხილვას", - აღნიშნა მინისტრმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან