დავით კოღუაშვილი ჩემი ძალიან ახლო მეგობარია, მას ნამდვილად ვერ დავწამებ, რომ რაიმე სენტენციებს განიცდის სააკაშვილის ხელისუფლების მიმართ, თუმცა უნდა ვთქვა, რომ ბოლო ორი დღის განმავლობაში, დაუფიქრებელი განცხადებების რეკორდი მოხსნა, - ასე გამოეხმაურა საქართველოს პრემიერ-მინისტრი გიორგი კვირიკაშვილი დავით კოღუაშვილის განცხადებას, სადაც მან გიგი უგულავას პატიმრობის შესახებ ისაუბრა.

მისივე თქმით, გამარჯვება, რომელიც მმართველმა გუნდმა მოიპოვა, გასაფრთხილებელია.

„მიუხედავად ბევრი მცდელობისა, პირადად მე ვუფრთხილდები, რომ არ გავაკეთო ისეთი განცხადებები, რომ შეურაცხყოფა არ მივაყენო, ან გული არ ვატკინო თანაგუნდელებს. კოღუაშვილის ბევრი განცხადება იყო საკმაოდ დაუფიქრებელი, პარტიაში ამაზე სრული კონსოლიდაციაა. წინა ხელისუფლების შეფასება ერთმნიშვნელოვანია“, - განაცხადა  კვირიკაშვილმა.

პრემიერის თქმით, კოღუაშვილის ზოგიერთი განცხადება კონტექსტიდან ამოვარდნილი იყო, თუმცა მას მეტი დაფიქრება მართებს.

„თითოეული განცხადება უკავშირდება არა ერთ ადამიანს საქართველოში“, - განაცხადა კვირიკაშვილმა.

ცნობისთვის, დავით კოღუაშვილმა „ქართული გაზეთისთვის“ მიცემულ ინტერვიუში გიგი უგულავას პატიმრობის შესახებ ისაუბრა: „მე არ მგონია, რომ უგულავამ კიდევ დიდხანს დაყოს ციხეში და ვისურვებდი, მალე დაუბრუნდეს ოჯახს. მას შეუძლია გაცილებით მეტი სიკეთე მოუტანოს ქვეყანას გარეთ, ვიდრე საკანში“, - განაცხადა დავით კოღუაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით