"ის ადრეც საუბრობდა ბებერ ნიანგებზე და მგლებზე. ყოველშემთხვევაში, პოლიტსაბჭოს წევრი არ მეგონა თუ იყო”,-ამის შესახებ პარლამენტის საფინასო-საბიუჯეტო კომიტეტის თავმჯდომარე თამაზ მეჭიაურმა არმაზ ახვლედიანის მიერ „ქართული ოცნების“ დატოვებასთან დაკავშირებით  განაცხადა.

"ის ადრეც საუბრობდა ბებერ ნიანგებზე და მგლებზე. ყოველშემთხვევაში, პოლიტსაბჭოს წევრი არ მეგონა თუ იყო. ზოგს მეტი ამბიცია აქვს, ზოგს საფუძვლიანი, ზოგს- უსაფუძვლო. ამის მიხედვით ზოგიერთი, რომელსაც ჰგონია, რომ მეტი ეკუთვნის და ვერ იღებს ამდენს, ამის გამო პრინციპულ საკითხებზე თვისობრივად სხვა შეხედულებები აქვს”,-განაცხადა თამაზ მეჭიაურმა.

არჩევნებში გამარჯვება ასეთ პარტიას ნამდვილად არ შეუძლია ნორმალურ, თანაბარ, დემოკრატიულ და კონკურეტნულ პირობებში, ამიტომ იგი მიმართავს სხვა გზას, - ეს განცხადება „ქართული ოცნების“ უკვე ყოფილმა წევრმა არმაზ ახვლედიანმა დღეს გამართულ პრესკონფერენციაზე გააკეთა.

მან ის მიზეზები ახსნა, რატომაც  პარტიის დატოვების გადაწყვეტილება მიიღო.

მისი შეფასებით, ის რომ „ოცნებას“ გამარჯვება არ შეუძლია, ამის საუკეთესო დემონსტრირებაა ის, თუ რა ადამიანებითაა დაკომპლექტებული პარტიის მმართველი ძალა.

ახვლედიანი იმასაც აცხადებს, ისინი წლების განმავლობაში ახერხებდნენ,  გაეყალბებინათ, მოეტანათ შესაფერისი სასურველი შედეგი ხელმძღვანელებისთვის, ეთქვათ ყველაფერზე კი და არასდროს - არა. „ეს უბედურება სჭირს „ქართულ ოცნებას“ და ვერ მოახერხა მან ამ სენისგან თავის დაღწევა”,-ამბობს ახვლედიანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს