ყველა პოლიტიკური პარტია, რომელიც აქ იყო წარმოდგენილი თანხმდება იმაზე, რომ ჩვენ უნდა გამოვიყენოთ აბსოლუტურად ყველა შესაძლებლობა რომ საარჩევნო სისტემა 2016 წელს გაუმჯობესდეს, - ამის შესახებ „თავისუფალი დემოკრატების“ ერთ-ერთმა ლიდერმა ირაკლი ჩიქოვანმა ჟურნალისტებს განუცხადა.

ჩიქოვანის განცხადებით, გადაწყვეტილბები მიიღება ყველა იმ სუბიექტის თანამონაწილეობით, რომელსაც გააჩნია გადაწყვეტილების მიღებისთვის აუცილებელი ბერკეტები.

„ყველა პოლიტიკური პარტია რომელიც აქ იყო წარმოდგენილი თანხმდება იმაზე რომ ჩვენ უნდა გამოვიყენოთ ყველა ის შესაძლებლობა რომ საარჩევნო სისტემა გაუმჯობესდეს 2016 წლის არჩევნებისთვის. გადაწყვეტილებები მიიღება ყველა იმ სუბიექტის თანამონაწილეობით რომელსაც გააჩნია გადაწყვეტილებების მიღებისთვის აუცილებელი ბერკეტი.

გვექნება საუბარი ჩვენს კოლეგებთან და საქართველოს პარლამენტის შემადგენლობასთან და ვისაუბრებთ იმაზე როგორ შეიძლება მივაღწიოთ ამას 2016 წელს“, - აღნიშნა ჩიქოვანმა.

მისივე განცხადებით, პოლიტიკურ პარტიებს შორის განსახილველია რამდენიმე საკითხი რომელიც ექცევა მოქმედი კონსტიტუციის ფარგლებში. ჩიქოვანის განმარტებით, გადაწყვეტილებას  პოლიტიკურ პარტიებთან ერთად მიიღებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა