მათ ხელისუფლებისთვის - მმართველი კოალიციისთვის ე.წ. ალტერნატიული ვარიანტი - გერმანული მოდელი,  აქვთ წარდგენილი, - ამის შესახებ პრეზიდენტის პოლიტიკურმა მრჩეველმა ფიქრია ჩიხრაძემ ჟურნალისტებს არასაპარლამენტო და საპარლამენტო ოპოზიციასთან შეხვედრის დაწყების წინ განუცხადა.

ჩიხრაძის თქმით, მათთვის ძალიან საინტერესოა მოისინჯოს შესაძლებლობა თუკი არსებობს რაიმე შანსი რომ მიიღონ უკეთესი საარჩევნო სისტემა, ვიდრე არის დღეს.

ამასთან ჩიხრაძის განცხადებით, ცალ-ცალკე ყველა ოპოზიციურ პარტიასთან ჰქონდა ურთიერთობა ამ საკითხთან დაკავშირებით და კონსენსუსის კონტურები იკვეთება.

„საუბარი იქნება ყველაფერ იმ პრობლემებზე, რაც დღევანდელი ეტაპისთვის გაჩნდა საარჩევნო პროცესთან მიმართებაში. ბუნებრივია მათაც აქვთ გარკვეული წინადადებები. ჩვენც გვაქვს შეკითხვები, უმეტესწილად ეს უკავშირდება საარჩევნო სისტემის ნაწილს. თქვენ იცით, რომ ჩვენ აქტიურად ვუჭერდით მხარს საკონსტიტუციო ცვლილებებს, რადგანაც კონსენსუსი არსებობდა ამ საკითხთან დაკავშირებით.

რაკიღა ოპოზიციურ პარტიებში არსებობს განწყობა, რაკიღა მათ ხელისუფლებისთვის - მმართველი კოალიციისთვის ე.წ. ალტერნატიული ვარიანტი წარდგენილი აქვთ გერმანული მოდელი ძალიან საინტერესოა რომ მოისინჯოს შესაძლებლობა თუკი არსებობს რაიმე შანსი რომ მივიღოთ უკეთესი საარჩევნო სისტემა, ვიდრე არის დღეს. ბოლომდე იქნება ყველა შანსი გამოყენებული.

ცალ-ცალკე პრაქტიკულად ყველასთან მქონდა ურთიერთობა ამ საკითხთან დაკავშირებით, იკვეთება კონსენსუსის კონტურები. ჩვენ მზად ვართ ამ პროცესში ჩავერთოთ აქტიურად, როგორც ვიყავით პროცესში ჩართული, მათ შორის მმართველ კოალიციასთან, ყველაფერს მოგვცემს დღევანდელი დღე“, - განაცხადა ფიქრია ჩიხრაძემ.

ცნობისთვის, ამ წუთებში პრეზიდენტის ადმინისტრაციის წარმომადგენლები საპარალამენტო და არასაპარლამენტო ოპოზიციის წარმომადგენლებს საარჩევნო სისტემასთან დაკავსირებით ხვდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე