პაატა ბურჭულაძის „საქართველოს განვითარების ფონდი“ არჩევნებში მიიღებს თუ არა მონაწილეობას ეს საკითხი ჯერ გადაწყვეტილი არ არის, - ამის შესახებ ფონდის სამართლის თემატური ჯგუფის ხელმძღვანელმა დავით ჯანდიერმა ჟურნალისტებს განუცხადა.

ჯანდიერის განცხადებით, პაატა ბურჭულაძე აღნიშნულ საკითხზე გუნდთან ერთად იმსჯელებს. მისივე თქმით, „7-10 დღის განმავლობაში პოზიცია იქნება ჩამოყალიბებული“.

„ის განწყობა რომელიც არის მოსახლეობაშია ერთმნიშვნელოვნად ადასტურებს, რომ ხელისუფლებას მართვის რესურსი ამოწურული აქვს. მოსახლეობა ვერ უყურებს შექმნილ პოლიტიკურ სპეტრში ერთგვარ ძალას, რომელზეც გააკეთებდა არჩევანს. რა თქმა უნდა ეს არის ძალიან დიდი გამოწვევა. თუმცა გადაწყვეტილება არჩევნებთან დაკავშირებით მიღებული არ არის. ბატონი პაატა იმსჯელებს გუნდთან ერთად. კვლავ გააგრძელებს მსჯელობას რამდენიმე დღის განმავლობაში და საბოლოოდ შევჯერდებით იმ გადაწყვეტილებაზე, რომელიც იქნება მიღებული. ვნახოთ ეს პროცესი რამდენ ხანს გაგრძელდება. სავარაუდოდ ერთი კვირა - 10 დღის განმავლობაში ეს იდეა ჩამოყალიბებული იქნება“, - განაცხადა დავით ჯანდიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე