ხელვაჩაურში გზის გადაკეტვას, სამართალდაცველებსა და აქციის მონაწილეებს შორის დაპირისპირება მოჰყვა.

40 დღის წინ, ხელვაჩაურში გაურკვეველ ვითარებაში გარდაცვლილი 14 წლის მოზარდის ახლობლები საქმის დროული გამოძიების მოთხოვნით, ხელვაჩაურში ცენტრალური მაგისტრალი გადაკეტეს.

როგორც 14 წლის ანრი გოგიტიძის ოჯახის წევრები მიიჩნევენ, მოზარდი თანატოლებმა ცემით მოკლეს. აქციის მონაწილეები მკვლელობის მიზეზის დასადგენად, სამართალდამცავებს სამხარაულის ექსპერტიზის დასკვნის დადებას და საქმისთვის კვალიფიკაციის შეცვლას თხოვენ. 

ადგილზე მობილიზებული იყო საპოატრულო პოლიცია. გზის გადაკეტვას, სამართალდაცველებსა და აქციის მონაწილეებს შორის დაპირისპირება მოჰყვა. სიტუაციის განმუხტვა პოლიციამ, რამდენიმე წუთში შეძლო, თუმცა აქცია კვლავ გაგრძელდა. ცენტრალური გზა თითქმის ერთ საათის განმავლობაში გადაკეტილი იყო.

შეკრებილებს აჭარის სამმართველოს უფროსი შეხვდა და პრობლემის მოგვარებას დაპირდა. 

შეგახსენებთ, რომ ანრი გოგიტიძის გარდაცვალების საქმე პოლიცია 115-ე მუხლით იძიებს, რაც მოზარდის თვითმკვლელობამდე მიყვანას გულისხმობს. ოჯახის წევრების მოთხოვნის მიუხედავად, შსს-ის პრესსამსახურის ინფორმაციით, საქმე კვლავ 115-ე მუხლით მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია