საერთაშორისო რესპუბლიკური ინტიტუტის (IRI) კვლევების ანალიზის ცენტრის მიერ გამოქვეყნებული ახალი გამოკითხვის თანახმად, გამოკითხულთა უმეტესობა - 80% „რუსთავი 2“-ს უყურებს, საინფორმაციო გამოშვებებიდან მოსახლეობის უმრავლესობა 48% „კურიერს“ ენდობა, პოლიტიკური თოქშოუებიდან კი ყველაზე მაღალი მოწონებით ასევე „რუსთავი 2“-ის თოქშოუ „არჩევანი“ სარგებლობს, რომელსაც მაყურებელთა 48% უყურებს.

კერძოდ ეს მონაცემები ასე გამოიყურება:

გამოკითხულთა 80% ტელევიზიებს შორის რეგულარულად უყურებს ტელეკომპანია „რუსთავი 2“-ს, 78% - „იმედს“, 45% - „მაესტროს“, 19% - საზოგადოებრივ მაუწყებელს, 14% - GDS-ს, 11% - „ობიექტივს“.

რაც შეეხება საინფორმაციო გამოშვებებს. გამოკითხულთა 48% ყველაზე მეტად ენდობა „კურიერს“,  21% -„ქრონიკას“, 7% - „მაესტროს“ ახალ ამბებს.

რაც შეეხება პოლიტიკურ თოქ-შოუებს. ყველაზე ხშირად გამოკითხული რესპონდენტები „არჩევანს“ უყურებენ - 48%, „პოლიტიკას“ - 11%, 2% კი, „საღამოს თოქ შოუს“, „ობიექტივზე“.

გამოკითხვა 12 მარტიდან 2 აპრილის ჩათვლით, შემთხვევითი შერჩევის პრინციპით ჩატარდა, აფხაზეთისა და ე.წ. სამხრეთ ოსეთის გარდა, საქართველოს ყველა დანარჩენ რეგიონში. სულ 1 500 რესპონდენტი გამოიკითხა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია