ზემო ფონიჭალაში ღოღობერიძის ქუჩის რეაბილიტაცია მიმდინარეობს.

როგორც „ექსპრესნიუსს“ საქართველოს რეგიონული განვითარებისა და ინფრასტრუქტურის სამინისტროდან აცნობეს, 440 მეტრი სიგრძის ქუჩაზე უკვე განხორციელდა დაზიანებული ასფალტის ფრეზირება და მოიჭრა დაზიანებული გრუნტი. ამჟამად, მიმდინარეობს ქვიშა-ხრეშითა და ფრაქციული ღორღით გზის საფუძვლის მოწყობა.   

უწყების ინფორმაციით, საფუძვლის მოწყობის შემდეგ, გზაზე დაიგება ორფენიანი ასფალტბეტონის საფარი; საფუძვლის დაცვის მიზნით, ჩაშენდება ბეტონის კიუვეტები; მოეწყობა ტროტუარები და ეზოებში შესასვლელები.

ღოღობერიძის ქუჩის რეაბილიტაციას, თბილისის მერიის დაკვეთით, შ.პ.ს. „სახელმწიფო სამშენებლო კომპანია" აწარმოებს. სამუშაოებზე 30 ადამიანია დასაქმებული.

ღოღობერიძის ქუჩის რეაბილიტაცია წელს, თებერვალში დაიწყო და მაისში დასრულდება. შედეგად, ქუჩაზე მოძრაობა უსაფრთხო და კომფორტული იქნება, როგორც ფეხით მოსიარულეების, ისე - მძღოლებისათვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა