სოფელ  ძალისისა და წილკნის 200 ჰა სასოფლო-სამეურნეო სავარგული ჭარბი წყლისგან გათავისუფლდება.

როგორც „ექსპრესნიუსს“ სოფლის მეურნეობის სამინისტროდან აცნობეს,  წილკნის დამშრობი კოლექტორის გაწმენდითი სამუშაოები სოფლის მეურნეობის სამინისტროს შპს „საქართველოს მელიორაციამ“ მარტში დაიწყო.

სისტემას ორმაგი დანიშნულება აქვს - ამავე სადრენაჟე კოლექტორიდან შესაძლებელია სარწყავი წყლის მიღება, რითაც მნიშვნელოვნად გაუმჯობესდება აღნიშნული ტერიტორიის სარწყავი ფართობების წყლით უზრუნველყოფა.სამუშაოები, რომლის შედეგით სოფელი  ძალისისა და წილკნის  220 მოსახლე ისარგებლებს, სარწყავი სეზონისთვის დასრულდება.

უწყების ინფორმაციით, მიმდინარე სამუშაოები სოფლის მეურნეობის მინისტრის მოადგილემ, დავით გალეგაშვილმა, შპს „საქართველოს მელიორაციის“ გენერალურმა დირექტორმა, ლევან დვალმა და მცხეთა-მთიანეთის რეგიონში სახელმწიფო რწმუნებულმა-გუბერნატორმა, გოჩა ზეიკიძემ დაათვალიერეს.

2012 წლიდან დღემდე შპს „საქართველოს მელიორაციის“ მიერ მცხეთა-მთიანეთის რეგიონში ჩატარებული სამელიორაციო ინფრატსრუქტურის სარეაბილიტაციო სამუშაოების შედეგად წყალუზრუნველყოფილი მიწის ფართობი 2 100 ჰექტრიდან 9 500 ჰექტრამდეა გაზრდილი.

დღეისათვის, საქართველოს მასშტაბით, 23 ობიექტზე მიმდინარეობს სარწყავი და სადრენაჟე სისტემების  რეაბილიტაცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა