საქართველოს პირველი ლედი მაკა ჩიჩუა  აუტიზმის საერთასორისო დღისადმი მიძღვნილ ღონისძიებას „გამიგე, მიმიღე, შემიყვარე" პატარა თემოსთან ერთად დაესწრო.

როგორც „ექსპრესნიუსს“ პრეზიდენტის ადმინისტრაციის პრესსამსახურიდან აცნობეს, ღონისძიება „ნეიროგანვითარების ცენტრის" ორგანიზებით ბომბორას პარკში გაიმართა და მის მიზანს აუტიზმის შესახებ ცნობადობის ამაღლება წარმოადგენდა.

„ ეს გარემო, ღია ცის ქვეშ შეკრება, ამდენი  ბავშვი, მხიარულება ძალიან მნიშვნელოვანია, როგორც ამ ადამიანებისთვის ისე ჩვენთვის. ძალან დიდი მადლობა მინდა ვუთხრა  ნეიროგანვითარების ცენტრს და მის ფუძემდებელს, ასე მინდა მოვიხსენიო ბატონი ვანიკო ბოკერია, რომელმაც ძალიან დიდი როლი შეასრულა აუტიზმის შესახებ ცნობადობის ამაღლების საკითხში, ჩვენს საზოგადოებაში",-აღნიშნა მაკა ჩიჩუამ

მათივე ინფორმაციით, ღონისძიება საქველმოქმედო კონცერტით გაიხსნა და მასში მონაწილეობა ცნობილ ქართველ შემსრულებლებთან ერთად ნეიროგანვითარების ცენტრის ბენეფიციარებმაც მიიღეს. ღინისძიების ფარგლებში გაიმართა ნეიროგანვითარების ცენტრის ბავშვების ნახატების გამოფენა, დასასრულს კი მოწვეულმა ბავშვებმა ჰელიუმის ლურჯი ბუშტები სიმბოლურად ჰაერში გაუშვეს.

 მაკა ჩიჩუა ქართველი მხატვრების საქველმოქმედო გამოფენას სტუმრობდა, რომელიც საქართველოს პირველი ლედის პატრონაჟით გაიმართა და აუტისტური სპექტრის აშლილობის მქონე ინდივიდების მხარდაჭერას ისახავდა მიზნად. პირველმა ლედიმ დამსწრე საზოგადოებას სიტყვით მიმართა და აღნიშნა, რაოდენ მნიშვნელოვანია ადამიანების ჩართულობა და მხარდაჭერა იმისათვის, რომ რაც შეიძლება მეტმა ადამიანმა მიიღოს ინფორმაცია აუტისტური სპექტრის აშლილობის მქონე პირთა შესახებ.

გამოფენაზე აუტისტური სპექტრის აშლილობის მქონე ბავშვებმა მუსიკალური ნომრები შეასრულეს და პირველ ლედისთან ერთად სამახსოვრო ფოტოებიც გადაიღეს.

გამოფენის ფარგლებში ნინო ბაჯელიძის წიგნის „დარჩირას" პრეზენტაციაც მოეწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა