2016-04-02 22:24:12, 501 ნახვა
პოლიტიკა
ნინო გოგუაძე: ქართული ოცნების დღევანდელი შემადგენლობა ევროპულ სტანდარტებს ვერ აკმაყოფილებს
"ქართული ოცნების დღევანდელი შემადგენლობა ევროპულ სტანდარტებს ვერ აკმაყოფილებს" - ამის შესახებ თავისუფალი დემოკრატების წევრმა, დეპუტატმა ნინო გოგუაძემ "კურიერის" პირდაპირ ეთერში განაცხადა.
მან კოალიციიდან რესპუბლიკელების გასვლის ფაქტი შეაფასა და აღნიშნა, რომ რესპუბლიკელების კოალიციაში ყოფნით უფრო იმედიანად იყო.
„საგარეო კურს საფრთხე არ ემუქრება, რადგან მისი გარანტი არის ქართველი ხალხი, მაგრამ მართალი რომ გითხრათ, რესპუბლიკელების კოალიციაში ყოფნით უფრო იმედიანად ვიყავი, რადგან ხარისხის თვალსაზრისით, საერთაშორისო ურთიერთობებთან დაკავშირებით, ჩვენ მათ მიმართ ეჭვი არ გვეპარებოდა. დღევანდელი ქართული ოცნებიდან კი ერთადერთი თედო ჯაფარიძეა ასეთი კადრი. შეიძლება ითქვას, რომ ევროპულ სტანდარტებს ვერ აკმაყოფილებს დღევანდელი შემადგენლობა,“ - განაცხადა ნინო გოგუაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
