17:43 - 12 May, 2026
ჩვენ შესახებ რეკლამა/ხელმოწერა
2026-04-10 13:32:02, 8900 ნახვა

პოლიტიკა
პოლონეთში 5 თვის ბავშვი, სავარაუდოდ, ცემის შედეგად დაიღუპა - დააკავეს ქართველი დედა, ეძებენ მამას

პოლონეთში, ქალაქ პოზნანის საავადმყოფოში 5 თვის ბავშვი გარდაიცვალა, რომელიც კლინიკაში მძიმე დაზიანებებით გადაიყვანეს. 

პოლონური მედია წერს, რომ ძებნაშია ბავშვის მამა, რომელიც ქართველია. ამასთან, დაკავებულია ბავშვის დედა, რომელიც ასევე საქართველოს მოქალაქეა. 

პოლონური მედია პროკურატურაზე დაყრდნობით წერს, რომ 5 თვის ბიჭი საავადმყოფოში პარასკევს შეიყვანეს. მას თავის ქალის მოტეხილობა და მრავალრიცხოვანი სისხლჩაქცევები აღენიშნებოდა, რაც სავარაუდოდ, ცემის კვალზე მიანიშნებდა. საჭირო გახდა ოპერაციის ჩატარება.

ამ საქმესთან დაკავშირებით დაკავებულია სამი ადამიანი: ბავშვის დედა და ორი კაცი, მოლდოვის მოქალაქეები.

გამოძიების ვერსიით, ბავშვის დედა მომხდარის დროს მოლდოვაში სამედიცინო პროცედურების ჩასატარებლად იმყოფებოდა, ბავშვი კი მამასთან ერთად და ორ ნაცნობ კაცთან ერთად - სახლში დატოვა. 

მტკიცებულებებზე დაყრდნობით, დაკავებულებს ბრალი წარედგინათ ჯგუფურად და წინასწარი შეთანხმებით, ბავშვზე ზრუნვის ვალდებულების მიუხედავად, მისთვის ჯანმრთელობის მძიმე დაზიანების მუხლით.

ბრალის დამტკიცების შემთხვევაში, მათ 15 წლამდე პატიმრობა ემუქრებათ. 





ავტორი: ექსპრესნიუსი,


სოციალური ქსელები
EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას
მეუფე ნიკოლოზი ილია მეორის წმინდანად შერაცხვას ითხოვს - მიმართვა, რომლის წაკითხვაც მიტროპოლიტს გაფართოებულ კრებაზე სურდა
მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას
რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics