დედაქალაქის მერის დავით ნარმანიას განცხადებით, გუშინ პარლამენტში ბაღების გათავისუფლებასთან დაკავშირებით პოლიტიკური შოუ იდგმებოდა.

როგორც მერმა აღნიშნა, მისი სურვილი არ იყო მერიას ამ შოუში მონაწილეობა მიეღო.

ნარმანიას განცხადებით, როცა საქმე ბაგა-ბაღებსა და ბავშვებს ეხება ამ თემის პოლიტიზირება მიზანშეწონილი არ არის.

„გადაწყვეტილებები რაც სააგენტომ მიიღო ეფუძნებოდა აუდიტის დასკვნას და სააგენტომ იმოქმედა მერიის მიერ დამტკიცებული წესების საფუძველზე. ამდენად გათავისუფლებები იყო აბსოლუტურად კანონიერი. თუ ვინმეს ეჭვი ეპარება შეუძლია სასამართლოს მიმართოს. პარლამენტის კომიტეტს არ შეუძლია იმსჯელოს მუნიციპალიტეტის მიერ მიღებულ ცალკეულ გადაწყვეტილებებზე. თუ ბაღებთან მიმართებაში რაიმე არის შესაცვლელი პოლიტიკის კუთხით ჩვენ მზად ვართ ვიმსჯელოთ ამ საკითხებზე, თუმცა გუშინ პარლამენტში პოლიტიკური შოუ იდგმებოდა, რომლის მონაწილე არ გვინოდა ვყოფილიყავით. როცა საქმე ეხება ბავშვებს, ბაღებს, ამ თემით პოლიტიზირება მიზანშეწონილად არ მიმაჩნია.

დედაქალაქის მერი დაინტერესებულია, იცის ყველა დეტალი და იღებს იმ გადაწყვეტილებებს, რაც საჭიროა“, - განაცხადა ნარმანიამ.

ჟურნალისტის კითხვაზე იგეგმება თუ არა ბაღების სააგენტოს დირექტორის თემურ თორდინავას გადადგომა, ნარმანიამ აღნიშნა, რომ - არა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა