საქართველოს უზენაესი სასამართლოს მოსამართლეობის კანდიდატის  ნონა თოდუას განცხადებით, მოსამართლეობაზე პრეზიდენტის შეთავაზება მისთვის მოულოდენლი იყო, რადგან 30 წელზე მეტია, სამეცნიერო საქმიანობით არის დაკავებული.

თუმცა, თოდუას შეფასებით, მისი გამოცდილება, ასაკი აძლევს საფუძველს იფიქროს, რომ სასამართლო ხელისუფლების დამოუკიდებლობაში დადებით წვლილს შეიტანს.

„სასამართლო ხელისუფლება რომ უფრო დამოუკიდებელი გახდეს, საბედნიეროდ ეს პროცესი დაწყებულია. მე ამას ვამჩნევ“, - აღნიშნა ნონა თოდუამ.

ნონა თოდუა სასამართლო სფეროში ხარვეზს ნორმის განმარტების თავისუფლებაში ხედავს.

„მოსამართლეები მაინც შეზღუდული არიან ნორმის განმარტების დროს და ხშირად მიმართავენ ნორმის სიტყვა სიტყვით განმარტებას, მაშინ, როცა ნორმის განმარტების სხვადასხვა ხერხი არსებობს, რომლიც შეიძლება მოსამართლემ კარგად გამოიყენოს, მითუმეტეს, როდესაც  ხედავს არასამართლიან ქმედებას . მაგალითად,  ადამიანის უფლების შელახვას გამოძიების ეტაპზე, ამის გამოსწორებისთვის სასამართლოს აქვს მთელი რიგი ბერკეტები, თუ ის ნორმას სწორად განმარტავს. ვფიქრობ, მეცნიერების  წვლილი ამ საქმეში დადებითი იქნება“, - განაცხადა ნონა თოდუას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი