სსიპ საქართველოს შინაგან საქმეთა სამინისტროს მომსახურების სააგენტომ 25 ოპერატიული დანიშნულების მინივენის შესაძენად ტენდერი გამოაცხადა. ელექტრონული ტენდერი აუქციონის გარეშე 25 ნოემბერს გამოცხადდა, წინადადებების მიღება 21 დეკემბერს დაიწყება და 26 დეკემბერს დასრულდება. - იუწყება "ბიემჯი"

შესყიდვის სავარაუდო ღირებულება 3,234,125 ლარია, წინადადებები კი დღგ-ს ჩათვლით უნდა წარედგინოს. ტენდერი დაფინანსდება 2026 წლის ბიუჯეტის ფარგლებში.

ტენდერის ფარგლებში შესყიდვა გულისხმობს 25 ერთეული ახალი, ქარხნული წარმოების, მარცხენასაჭიანი მინივენის მიწოდებას, რომლებიც ერთი და იმავე ბრენდისა და მოდელის უნდა იყოს. ავტომობილები არაუადრეს 2025 წლის გამოშვების, არაუმეტეს 200 კმ გარბენითა და სრული საგარანტიო დოკუმენტაციით. ფერი შემსყიდველთან შეთანხმებით განისაზღვრება.

შესთავაზებელ ტექნიკურ მოთხოვნებში განსაზღვრულია:

• ძრავის მოცულობა: 1950–2200 სმ³, ტურბო გამაძლიერებლით;
• საწვავის ტიპი: დიზელი;
• ძრავის სიმძლავრე: არანაკლებ 170 ცხ.ძ.;
• წამყვანი თვლები: 4x4;
• 7–8 მგზავრის ადგილი;
• ავტომატური გადაცემათა კოლოფი, არანაკლებ 8 საფეხურით;
• EURO 5 ან მაღალი სტანდარტი;
• უსაფრთხოების ბალიშები — მინიმუმ 6;
• Android Auto და Apple CarPlay, უკანა კამერა, პარკინგის სენსორები;
• ორივე მხარეს სლაიდინგი კარები;
• საგარანტიო ვადა: 5 წელი ძირითადი აგრეგატებისთვის და 3 წელი/150,000 კმ სრულ ავტომობილზე.

დამატებით, პრეტენდენტმა უნდა წარმოადგინოს ავტომობილის ფლობის ზღვრული ღირებულება 100,000 კმ გარბენზე, რაც მოიცავს თვითონ მანქანის ფასსა და გეგმურ მომსახურებას.

ტენდერის დოკუმენტაციის მიხედვით, ერთ ერთეულ ავტომობილზე განსაზღვრულია:

• ზღვრული ღირებულება — 112,800 ლარი,
• გეგმური მომსახურების ზღვრული ღირებულება — 16,565 ლარი.

მომწოდებელი ასევე ვალდებულია უზრუნველყოს ავტომობილების უკან დაბრუნება მწარმოებლის მიერ დეფექტის აღმოჩენის შემთხვევაში და უსასყიდლოდ ჩაატაროს ის გეგმური მომსახურებები, რომლებიც საგარანტიო პირობებითაა გათვალისწინებული.

ავტორი: ექსპრესნიუსი,

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა