2025 წლის 7 თვეში საქართველოდან ექსპორტზე 727.2 ათასი აშშ დოლარის 1 641.2 ტონა საზამთრო გავიდა.

საქსტატის მონაცემებით, მიმდინარე წლის იანვარ-ივლისის ექსპორტი მკვეთრად აღემატება გასული წლის მაჩვენებელს, როდესაც 7 თვეში მხოლოდ 94.6 ათასი დოლარის 329.7 ტონა საზამთრო გავიდა ექსპორტზე. შესაბამისად, წლის ჭრილში ღირებულებით გამოსახულებაში ექსპორტის 668%-იანი ზრდა ფიქსირდება, მოცულობა კი 398%-ით არის მომატებული.

აღსანიშნავია ისიც, რომ გასული წლის ანალოგიურ პერიოდში ერთადერთი საექსპორტო ბაზარი სომხეთი იყო. წელს ამ პოზიციაზე რუსეთია, სადაც მთლიანი ექსპორტის თითქმის ნახევარი გავიდა.

იანვარ-ივლისში, საზამთროს საექსპორტო ბაზრები ასეთია:

• რუსეთი - $455.5 ათასის 847.3 ტონა;
• სომხეთი - $233.4 ათასის 686.3 ტონა;
• ბელარუსი - $23.8 ათასის 86.3 ტონა;
• რუმინეთი - $14.6 ათასის 21.3 ტონა.

ამასთან, წლევანდელი მონაცემებით, რუსეთში საზამთროს ექსპორტი ბოლო 4 წლის რეკორდზეა. რუსეთში საზამთროს ექსპორტის წინა წლების სტატისტიკა ასე გამოიყურება:

• 2021 წელი - $650.9 ათასის 1 259.3 ტონა;
• 2022 წელი - ექსპორტი არ ფიქსირდება;
• 2023 წელი - $11.9 ათასის 22 ტონა;
• 2024 წელი - ექსპორტი არ ფიქსირდება.

ავტორი: ექსპრესნიუსი,

სოციალური ქსელები

საქართველო ტრადიციულად ევროვიზია 2026-ის ფინალში ვერ მოხვდა

ტრამპი- სი-ს სამიტი: ჩიპების ნაცვლად, ჩინეთი ხელოვნური ინტელექტის ომს განიხილავს

CNN: წელიწადნახევრის წინ ჩაძირული რუსული გემი შესაძლოა ჩრდილოეთ კორეისკენ მიემართებოდა, რომელსაც ბირთვული რეაქტორები გადაჰქონდა

რუბიო ჩინეთში სხვა სახელით გაფრინდა, რათა თავი აერიდებინა პეკინის დაწესებული სანქციებისთვის