13 აგვისტოს, 22 დამოუკიდებელი ქართული მედიასაშუალების ვებსაიტები ერთი საათით გაითიშა - მათ ვებსაიტებზე მყოფმა მომხმარებლებმა მხოლოდ შავი ფონი დაინახეს. მოგვიანებით, შეტყობინების ავტორებმა განაცხადეს, რომ ეს დამოუკიდებელი მედიის მხარდამჭერი კამპანიის ნაწილი იყო. ამ კამპანიის ფარგლებში, გამოცემები საზოგადოებას დახმარებისკენ მოუწოდებენ.

„დღეს, საქართველოში დამოუკიდებელი ონლაინ მედია გადარჩენისთვის იბრძვის. რეპრესიული რეჟიმი ცდილობს ჩაახშოს ის ხმები, რომლებიც სიმართლეს ამბობენ. მთელი საქართველოდან 22 ონლაინ მედია გაერთიანდა იმის დასაცავად, რაც ყველას გვეკუთვნის: სიტყვის თავისუფლება და დემოკრატია. თქვენი მხარდაჭერა ამ ბრძოლაში გადამწყვეტია. გაიღეთ შემოწირულობა დამოუკიდებელი ონლაინ მედიის მხარდასაჭერად და დაგვეხმარეთ ინფორმაციის გავრცელებაში“, - ნათქვამია სპეციალურად კამპანიის ფარგლებში შექმნილ ვებსაიტზე, სადაც ნებისმიერს შეუძლია შემოწირულობის გაღება დამოუკიდებელი მედიის მხარდასაჭერად.

„შუქი არ უნდა ჩაქრეს. თავისუფლება მზიას (ამაღლობელს)! თავისუფლება სინდისის პატიმრებს!“ - ეს არის კამპანიის სამი მთავარი გზავნილი.

შეგახსენებთ, რომ ბოლო ექვსი თვის განმავლობაში საქართველოს მთავრობამ დაჩქარებული წესით მიიღო და აამოქმედა არაერთი კანონი, რომელიც ზღუდავს დამოუკიდებელ მედიას, რაც პრაქტიკულად შეუძლებელს ხდის საზღვარგარეთიდან დონორების მოზიდვას და დასავლური ფონდებიდან უცხოური დაფინანსების მიღებას. როგორც „უცხოელი აგენტების“ შესახებ კანონი, ასევე ამერიკული FARA-ს ანალოგიით შექმნილი კანონი აჩქარებს დამოუკიდებელი მედიის ფინანსურ დასუსტებას და მათ არსებობას კითხვის ნიშნის ქვეშ აყენებს. ამ კამპანიაში მონაწილე არც ერთი დამოუკიდებელი მედია საშუალება არ აპირებს უცხოური გავლენის აგენტების სიაში რეგისტრაციას.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო