2016-03-18 11:17:29, 792 ნახვა
სამართალი
ინგა ჩატოიანს 5 000 ლარიანი გირაო შეეფარდა
თბილისის საქალაქო სასამართლომ პირადი და ოჯახური საიდუმლოების ხელყოფისთვის ბრალდებულ ინგა ჩატოიანს აღკვეთის ღონისძიების სახით, 5000 ლარიანი გირაო შეუფარდა.
ვინაიდან, საქმე პირადი ცხოვრების შემცველ ინფორმაციას ეხება, სხდომა პროკურატურის შუამდგომლობის საფუძველზე დაიხურა. აღსანიშნავია, რომ ინგა ჩატოიანს ადვოკატი არ ყავდა.
სასამართლო პროცესის დაწყებამდე ინციდენტი მოხდა. ამავე საქმეზე ბრალდებულ ზურაბ ჯამალაშვილის მეუღლე თეა ჯამალაშვილმა ინგა ჩატოიანს ცრუ მოწმე უწოდა.
შეგახსენებთ, პირადი და ოჯახური საიდუმლოების ხელყოფის ბრალდებით, 5 პირის მიმართ სისხლის სამართლის დევნა დაიწყო. ჩატოიანის გარდა, ოთხივე დაკავებულია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
