2008 წელი რომ გავიხსენოთ, ფაქტობრივად, მმართველი რგოლი არა მარტო უუნარო გამოდგა, არამედ მართვის მექანიზმი აბსოლუტურად იყო მორღვეული სახელმწიფოში, ქვეყანაში, – ამის შესახებ გენერალმა კობა კობალაძემ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ დროებითი საგამოძიებო კომისიის“ სხდომაზე განაცხადა.

კობალაძის თქმით, „ხელისუფლების უმაღლესი რანგის წარმომადგენლები ხელის ბიჭებად იყვნენ მივლინებულნი ოკუპანტების მიერ და, რეალურად, მეგზურობას, გიდობას უწევდნენ“.

„ჩვენს სამშობლოს თუ რამემ შეუნარჩუნა სახე, ღირსება, სამშობლოს სიყვარულისთვის თავგანწირვის უნარი, ეს იყვნენ ჩვენი რიგითი პირადი შემადგენლობა, უმცროს ოფიცერთა შემადგენლობა და გულანთებული ადამიანები, რომლებიც ქვეყნის წინაშე ვალდებულებას გრძნობდნენ. ამიტომ მივიღეთ ჩვენ მრავალი გმირი, მრავალი გულანთებული, პატრიოტი ადამიანი და წინააღმდეგობის ის მუხტი, რომელიც არანაირად არ იყო მხარდაჭერილი სახელმწიფოს მმართველობის მხრიდან. პირიქით, თუ გადავხედავთ პროცესების დინამიკას, ქვეყანა დადგა იმ რეალობის წინაშე, როდესაც გაერთიანებული და ერთმანეთში აზელილი იყო ცრემლი, ტკივილი, განცდა, ათასობით ახალი ლტოლვილი იყო საქართველოში, რომლებიც უპასუხოდ იყვნენ თავიანთი სახლებიდან გამოყრილი. ამას ემატებოდა ქვეყნის პრესტიჟი. რამდენიმე ათეული სოფელი, რომლებიც ჩვენი წინაპრების სისხლით, ოფლით იყო გაჯერებული, მოხსენიებული იყო ქვების გროვად. ხელისუფლებამ წარმოაჩინა მართვის უუნარობა და ჩვენი რიგითი მოსახლეობა, ჯარისკაცები, სხვა ძალოვანი სტრუქტურების წარმომადგენლები უფრო იყვნენ თავგანწირვისთვის მზად, ვიდრე სახელმწიფო ვერტიკალი მართვისთვის. პროცესების დინამიკას თუ გავიხსენებთ, დავინახავთ, რომ ხელისუფლების უმაღლესი რანგის წარმომადგენლები ხელის ბიჭებად იყვნენ მივლინებულნი ოკუპანტების მიერ და, რეალურად, მეგზურობას, გიდობას უწევდნენ და მოხსენებით საღამოებს უმართავდნენ. ეს იყო რეალობა“, – განაცხადა კობა კობალაძემ.

ავტორი: ექსპრესნიუსი,

სოციალური ქსელები

აშშ-მ და ირანმა ომის დასრულების შესახებ შეთანხმებას მოაწერეს ხელი

ტრამპმა შეაქო უკრაინის შეიარაღებული ძალების სამხედრო ტექნიკა და თქვა, რომ ისინი „საკმაოდ კარგად უძლებენ“

უკრაინამ სამი დღის განმავლობაში მეორედ დაარტყა მოსკოვის ნავთობგადამამუშავებელ ქარხანას

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება