სტუდენტურ თვითმმართველობებთან ვლადიმერ პაპავას შეხვედრა უშედეგოდ დასრულდა

2016-03-16 09:36:59, 516 ნახვა

საზოგადოება

განათლების მინისტრის მოადგილის გია შარვაშიძისა და თბილისის სახელმწიფო უნივერსიტეტის რექტორის, ლადო პაპავას შეხვედრა სტუდენტურ თვითმმართველობებთან უშედეგოდ დასრულდა.

დაპირისპირებული მხარეები პოზიციებს არ თმობენ და პროტესტს აგრძელებენ. სტუდენტური თვითმმართველობის წარმომადგენლები კვლავ ვლადიმერ პაპავას გადადგომას ითხოვენ და პირველი კორპუსის შენობის დატოვებას არ აპირებენ.

რაც შეეხება სტუდენტთა მეორე ნაწილს, ისინი 115-ე აუდიტორიაში რჩებიან იმ დრომდე, ვიდრე თვითმმართველობა აქციას არ შეწყვეტს. ისინი ვლადიმერ პაპავას მოუწოდებენ თანამდებობა არ დატოვოს.

გადადგომას არ აპირებს თავად რექტორიც.

“ჩემი პოზიცია ურყევია, ვთვლი, რომ უნივერსიტეტის ინტერესებიდან გამომდინარე, რექტორი არ შეიძლება გადადგეს, ამ პოზიციაზე ვდგავარ ახლაც“, - განაცხადა ვლადიმერ პაპავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან