„ნანუკას ფონდის" დამფუძნებლის, ნანუკა ჟორჟოლიანის სახლთან, სადაც პროკურატურა ჩხრეკას ატარებს, დიდი რაოდენობით პოლიციაა მობილიზებული.

ასევე, ადგილზე იმყოფებიან ნანუკა ჟორჟოლიანის მხარდამჭერები, კოლეგები, პოლიტიკოსები.

როგორც „კოალიცია ცვლილებისთვის” ლიდერმა, ნიკა გვარამიამ ჟურნალისტებთან საუბრისას განაცხადა, რა პროცესებიც ახლა საქართველოში მიმდინარეობს, „ჩვეულებრივი რეპრესიებია”.

„საქართველო ბელარუსი არ არის“ - ეს ფრაზა უნდა დავივიწყოთ. საქართველო ჩვეულებრივად ბელარუსია.

დღეს დილიდან, რაც ქვეყანაში ხდება, ჩვეულებრივი რეპრესიებია. ყველას აპატიმრებენ. ნებისმიერ შემთხვევაში ჩვენ ვხედავთ, რომ ამ ადამიანებს, ვინც ახლა აქ დგანან, მათ პატრონებს მარტივი პასუხი აქვთ, როგორც ჩანს ამერიკიდან ჩამოტანილი. ჩვენ ვნახეთ ბოლო ვიზიტი ამერიკაში. უთხრეს, რომ არ გექნება დემოკრატია, აქ მეტი არ ჩამოხვიდეთ! - პასუხი არის ეს, როგორ ექნებათ დემოკრატია ხედავთ”, - განაცხადა გვარამიამ.

გარდა ამისა, ადგილზე მყოფი სამართალდამცველები ნანუკა ჟორჟოლიანის საცხოვრებელ კორპუსში ადგილობრივ მცხოვრებლებსაც არ უშვებენ. აღნიშნულის გამო, რამდენჯერმე სამართალდამცველებსა და მოქალაქეებს შორის სიტყვიერი დაპირისპირებაც იყო.

ცნობისთვის, აქტივისტ მარიამ ბაჯელიძის სახლში ჩხრეკა დასრულდა. პროკურატურის წარმომადგენლები მასთან, გამთენიისას მივიდნენ. პარალელურად, ჩხრეკა მიმდინარეობს „ნანუკას ფონდის" დამფუძნებლის, ნანუკა ჟორჟოლიანის სახლში. ასევე, საგამოძიებო უწყების წარმომადგენლები იმყოფებიან „ადამიანის უფლებათა ცენტრის“ ხელმძღვანელის ალეკო ცქიტიშვილის სახლშიც.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია