„ყოველთვის მეფიქრებოდა, რომ აღნიშნული ფარული ჩანაწერები წინა ხელისუფლების წარმომადგენლებს თავის დროზე აქვთ შსს-დან გატანილი ან თავიდანვე უკანონოდ ჰქონდათ მოპოვებული“, - ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ინტერნეტით გავრცელებულ  ფარულ ჩანაწერებთან დაკავშირებით ჟურნალისტებს განუცხადა.

მინისტრის თქმით,  ეს ადამიანები სამწუხაროდ ამ ჩანაწერებს შანტაჟისთვის იყენებენ.

მისივე განცხადებით, ნებისმიერი შანტაჟი და ამგვარი კადრების გავრცელება მისთვის პიროვნულად მიუღებელია.

„ინფორმაცია, რომ კუდი-ს ყოფილი თანამშრომილი არის დაკავებული თქვენგან გავიგე. ამ კადრების გავრცელება არამხოლოდ ჩემთვის, არამედ ჩვენი მთავრობისთვის არის მიუღებელი. დარწმუნებული ვარ, რომ უმკაცრესად დაისჯება ყველა ის ადამიანი, ვინც აღნიშნულით არის დაკავებული“, - განაცხადა დიმიტრი ქუმსიშვილმა.

ჟურნალისტის კითხვაზე,  ფიქრობს თუ არა მინისტრი, რომ ეს კადრები 2012 წლამდე არის გადაღებული? მინისტრმა ერთმნიშვნელოვნად აღნიშნა, რომ ის ამაში დარწმუნებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში