რეჟიმის შეცვლის შემდეგ, „საზოგადოებრივი მაუწყებლის“ დაფინანსების ახალი მოდელი უნდა დავნერგოთ,- ამის შესახებ კოალიცია ,,ხალხისთვის-ძლიერი საქართველოს“ ერთ-ერთი ლიდერი, ანა დოლიძე სოციალურ ქსელში წერს.

მისი თქმით, მოქალაქეები „100 მილიონს იხდიან იმისთვის, რომ ხალხს ტვინი ურეცხონ ანტისახელმწიფოებრივი და ანტიეროვნული პროპაგანდით“.

„დღეს ე.წ საზოგადოებრივი მაუწყებელი კიდევ ერთი ნაბიჯით დაუახლოვდა ,,კანალ რასიას“. კიდევ ერთხელ დადასტურდა, რომ თავისუფალი საუბრის და აზროვნების არავითარი სივრცე ამ არხზე არ არსებობს. რეჟიმის შეცვლის შემდეგ, „საზოგადოებრივი მაუწყებლის“ დაფინანსების ახალი მოდელი უნდა დავნერგოთ. დღეს, წელიწადში 100 მილიონს ვიხდით იმისთვის, რომ ხალხს ტვინი ურეცხონ ანტისახელმწიფოებრივი და ანტიეროვნული პროპაგანდით. ჩემი სრული მხარდაჭერა საზმაუდან გათავისუფლებულ ჟურნალისტებს“,- წერს ანა დოლიძე.

ცნობისთვის, „საზოგადოებრივმა მაუწყებელმა“ 11 აპრილს ოფიციალური განცხადება გააკეთა, რომლის მიხედვითაც ტელევიზიიდან წამყვანები ნინო ზაუტაშვილი და ვასილ ივანოვ-ჩიქოვანი გაათავისუფლეს.

განცხადების თანახმად, „საჯარო სივრცეში გავრცელებული განცხადებებით, ზემოაღნიშნულ თანამშრომელთა ნაწილმა სრულად ამოწურა დამსაქმებელთან საქმიანი და კონსტრუქციული ურთიერთობის რესურსი, რაც შეუძლებელს ხდის ნორმალურ თანამშრომლობას“.

დღეს „პირველი არხი“ დატოვა კიდევ ორმა თანამშრომელმა, თეა კახიანმა და დავით ველიჯანაშვილმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია