ე.წ. საგამოძიებო კომისიაზე მისვლა თუ არ მისვლა თითოეული პირის ინდივიდუალური პასუხისმგებლობაა,  ამ კომისიასთან დაკავშირებით შეფასებები გაკეთებული გვაქვს და გიორგი გახარია მიიღებს გადაწყვეტილებას მაშინ, როდესაც ამის დრო მოვა, – ამის შე შესახებ „გახარია საქართველოსთვის“ წევრმა, თეონა აქუბარდიამ განაცხადა.

მისი თქმით, 20 ივნისის საქმის გამოძიება პროპაგანდისტული მიზნით ხდება ფულისა და ძალაუფლების შესანარჩუნებლად.

„არალეგიტიმურ პარლამენტში ქალბატონი წულუკიანის ე.წ. კომისია იმის სრული ილუსტრაციაა, რამდენად უსამართლოა ივანიშვილის რეჟიმი, რადგან ყველა ის საქმე, რომელიც განიხილეს, თუ განიხილავენ 13 წლის თავზე, აჩვენებს, რომ ამ გახმაურებული საქმეების მოსამართლეები, თუ პროკურორები ივანიშვილის რეჟიმმა დააწინაურა და კიდევ უფრო მეტი შესაძლებლობა მისცა რეჟიმის მსახურებისთვის ამ ვითარებაში. კომისიაზე მისვლა/არმისვლასთან დაკავშირებით  გადაწყვეტილებას გიორგი გახარია მიიღებს. სტრასბურგის სასამართლოს დავალება იყო ქვეყნის მიმართ, მომხდარიყო 20 ივნისის საქმის გამოძიება, რაც არ გააკეთა ივანიშვილის რეჟიმმა, მიუხედავად იმისა, რომ გიორგი გახარია აღარ გახლდათ გუნდში და მათთვის პოლიტიკურად უფრო მომგებიანიც უნდა ყოფილიყო. ჩვენ როდესაც ვხედავთ, რომ პროპაგანდისტული მიზნით ხდება ამის გამოყენება ფულისა და ძალაუფლების შესანარჩუნებლად, ეს კიდევ ერთხელ აჩვენებს იმ მძიმე რეალობას, რომელსაც ივანიშვილი ქმნის საკუთარი ქვეყნის კონსტიტუციის წინააღმდეგ“, – განაცხადა თეონა აქუბარდიამ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია