თბილისის მერის კახა კალაძის განცხადებით, საქართველო დამოუკიდებელი, სუვერენული სახელმწიფოა, რომელსაც „სჭირდება მეგობრები და არა ბატონები“.

კალაძემ ჟურნალისტებთან ევროპის საბჭოს საპარლამენტო ასამბლეაში საქართველოს საკითხზე დაგეგმილი დებატები შეაფასა და აღნიშნა, რომ „ზემოდან მაყურებლების ტონი კატეგორიულად მიუღებელია“.

„ამ ტონით საუბარი და ამ ტიპის მუქარები ჩვენთვის კატეგორიულად მიუღებელია. მე და ჩემს თანაგუნდელებს არაერთხელ გაგვიკეთებია განცხადება, რომ საქართველოს ხელისუფლება მზად არის პარტნიორობისთვის, მზად არის მეგობრობისთვის. მზად არის იმისთვის, რომ გაღრმავდეს ურთიერთობები, მაგრამ ეს არავითარ შემთხვევაში არ უნდა მოხდეს საქართველოს, ჩვენი ქვეყნის და ჩვენი სამშობლოს ინტერესების დათმობის ხარჯზე. კატეგორიულად მიუღებელია ზემოდან მაყურებლების ტონი. ჩვენ ვართ დამოუკიდებელი ქვეყანა, სუვერენული სახელმწიფო. შესაბამისად, გვინდა პარტნიორები, გვჭირდება მეგობრები და არა ბატონები“,-განაცხადა კალაძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია