აშშ სამხრეთ სუდანის პასპორტის მფლობელ პირებს ვიზებს უუქმებს. ამის მიზეზი სამხრეთ სუდანის მხრიდან აშშ-დან დეპორტირებული მოქალაქეების მიღების უარი გახდა. 

ამასთან დაკავშირებით განცხადება აშშ-ს სახელმწიფო მდივანმა, მარკო რუბიომ გააკეთა.

რუბიოს თქმით, ვიზების გაუქმების გარდა, აშშ ასევე ზღუდავს ვიზების გაცემის ნებისმიერ ახალ პროცესს სამხრეთ სუდანის მოქალაქეებისთვის, რათა თავიდან აიცილოს მათი ქვეყანაში შესვლა

"იმის გამო, რომ სამხრეთ სუდანის გარდამავალმა მთავრობამ ვერ უზრუნველყო ამ პრინციპის პატივისცემა, ძალაში დაუყოვნებლივ შედის აშშ-ს სახელმწიფო დეპარტამენტის გადაწყვეტილება გააუქმოს სამხრეთ სუდანის პასპორტის მფლობელი პირებისთვის გაცემული ყველა ვიზა და შეზღუდოს ახალი ვიზების გაცემა, რათა მათი შესვლა შეერთებულ შტატებში აღარ მოხდეს" - თქვა რუბიომ

რუბიოს თქმით, სამხრეთ სუდანის ხელისუფლება აშშ-ს "კეთილდღეობით სარგებლობს".

 "სასიცოცხლოდ მნიშვნელოვანია, ჩვენმა ქვეყანამ უზრუნველყოს მიგრაციის კანონების აღსრულება – ეს პირდაპირ უკავშირდება შეერთებული შტატების ეროვნული და საზოგადოებრივი უსაფრთხოების დაცვას. ყველა ქვეყანამ დროულად უნდა მიიღოს თავისი მოქალაქეები უკან მაშინ, როდესაც მეორე ქვეყანას მათი გაძევება სურს" - თქვა რუბიომ.

აშშ-ს სახელმწიფო მდივანი ასევე აღნიშნავს, რომ აშშ-ს ხელისუფლება ამ ზომებს სამხრეთ სუდანის მხრიდან სრულ თანამშრომლობის შემთხვევაში გადახედავს. 

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო