საგარეო საქმეთა მინისტრის პირველი მოადგილე, დავით ზალკალიანი  სოფელ ჯარიაშენთან განვითარებულ მოვლენებს ეხმაურება. ზალკალიანის განცხადებით, საგარეო საქმეთა სამინისტრომ მათ ხელთ არსებული ყველა ბერკეტი მყისიერად აამოქმედა. საკითხი  ერგნეთში ინციდენტების პრევენციისა და მათზე რეაგირების მექანიზმის მორიგ სხდომაზე განიხილება. გარდა ამისა, დავით ზალკალიანის ინფორმაციით, სოფელ ჯარიაშენთან მიმდინარე პროცესებთან დაკავშირებით, ქართული დელეგაცია საკითხს საკმაოდ მწვავედ ჟენევაშიც დააყენებს:

"სოფელ ჯარიაშენთან მიმდინარე პროცესებთან დაკავშირებით, მინდა განვაცხადო, რომ საგარეო საქმეთა სამინისტრომ მყისიერად აამოქმედა ჩვენს ხელთ არსებული ყველა ბერკეტი. კერძოდ, ინფორმირებულია ჟენევის სამივე თანათავმჯდომარე, ევროკავშირის, ეუთოს და გაერო-ს წარმომადგენელი, ასევე ჩვენ ვიმყოფებიოთ მუდმივ კავშირზე ევროკავშირის სადამკვირვებლო მისიასთან, ეს საკითხი იქნება სერიოზული განხილვის თემა სამშაბათს  ერგნეთში ინციდენტების პრევენციის მექანიზმის განხილვის დროს და უახლოესი რაუნდი მარტის მეორე ნახევარში იგეგმება  ჟენევაში და ჩვენი დელეგაცია ძალიან მწვავედ დააყენებს ამ საკითხსს. ჩვენთვის ძალიან მნიშვნელოვანია, რომ მავახდინოთ საერთაშორისო თანამეგობრობის სრული ინფორმირება და მათი პოზიციის კონსოლიდაცია, რადგან არ მხოდეს იმ პროცესების ესკალაცია და შემდგომ მავთულხლართების დამონტაჟება და ოკუპირებული ხაზის გადმოწევა ჩვენს მიერ კონტროლირებად ტერიტორიაზე.",-განაცხადა დავით ზალკალიანმა.

შეგახსენებთ, გორის რაიონის სოფელ ჯარიაშენთან ადგილობრივი მოსახლეობის ბაღებზე გზის გაყვანის სამუშაოები განახლდა.  მოსახლეობას ბაღებთან მიახლოება ეკრძალება. ადგილობრივების თქმით, ნაკვეთების ნაწილს საძოვრებად იყენებდნენ, ნაწილზე კი, ვაშლები მოჰყავდათ.
პროცესს ევროკავშირის მონიტორინგის ჯგუფი აკვირდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის

The Observer: სტარმერმა შესაძლოა გადადგომის შესახებ ორშაბათს განაცხადოს