თუ ევროკავშირში გაწევრიანება გსურთ, მაშინ თავისუფალი და პლურალისტური მედია გარემო უნდა გქონდეთ, - ამის შესახებ საქართველოში გერმანიის ელჩმა, პეტერ ფიშერმა ჟურნალისტებს განუცხადა.

პეტერ ფიშერმა „მედიახმის“ მიერ მედიაგარემოს ყოველწლიური შეფასების ანგარიშის შესახებ დასმულ შეკითხვას უპასუხა.

„ვფიქრობ, მედიასთან დაკავშირებით გარკვეული გამოწვევები არსებობს, მაგრამ ეს ჩემი ანგარიში არ არის. ერთი საკითხი, რომელიც გერმანიას აწუხებს არის ის, რომ ბოლო დროს ბევრი ჟურნალისტი დაშავდა, დააკავეს ან დიდი ოდენობით ჯარიმის გადახდა დააკისრეს“, - განაცხადა პეტერ ფიშერმა.

ელჩმა საქართველოში თავისუფალი და პლურალისტური ჟურნალისტიკის მნიშვნელობაზეც ისაუბრა.

„თავისუფალი და პლურალისტური ჟურნალისტიკა, პლურალისტური კი ბევრ განსხვავებულ აზრს ნიშნავს, დემოკრატიის საფუძველს წარმოადგენს. ქართველების გადასაწყვეტია, როგორი სახელმწიფო გსურთ, როგორი საზოგადოება გსურთ. თუმცა, თუ ევროკავშირში გაწევრიანება გსურთ, მაშინ თავისუფალი და პლურალისტური მედია გარემო უნდა გქონდეთ. ეს წინაპირობაა. თუ არ გაქვთ, მაშინ ვერ გაწევრიანდებით და ამ საკითხზე აკადემიური ანგარიშის ნახვა საინტერესოა“, - აღნიშნა საქართველოში გერმანიის ელჩმა.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა