2025-03-09 21:33:33, 868 ნახვა
პოლიტიკა
უწყვეტი აქციების დაწყებიდან 102 დღეს რუსთაველი კვლავ გადაიკეტა
102 დღე უწყვეტი აქციების დაწყებიდან - ევროპული მომავლის მცველები ახლაც ქუჩაში დგანან. ნაწილი უკვე რუსთაველის გამზირზეა, მეორე ნაწილი კი საზმაუდან დედაქალაქის ეპიცენტრისკენ მიემართება. გარდა იმ მოთხოვნებისა, რომელსაც მოქალაქეები ყოველდღიურ რეჟიმში აჟღერებენ, აქციის მონაწილეები თეატრალური უნივერსიტეტის სტუდენტებს სოლიდარობას უცხადებენ. ამბობენ, რომ ახალგაზრდები გამოგონილი მიზეზით დააჯარიმეს.
დემონსტრანტები სკანდირებენ: “არ იქნება სამართალი, არ იქნება მშვიდობა”, “საქართველოს გაუმარჯოს”, „ცეცხლი ოლიგარქიას“.
პროტესტის 102-ე დღესაც მომიტინგეების მოთხოვნა უცვლელია: დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
