ევროპულ საქართველოსა და საქართველოსთვის ევროპარლამენტის მუდმივი მომხსენებელი, რასა იუკნევიჩიენე, აღნიშნავს, რომ რუსეთის საგარეო დაზვერვის განცხადება წარმოადგენს პირდაპირ ჩართულობას „ქართული ოცნების“ მხარდაჭერაში. ამის შესახებ სოციალურ ქსელში წერს და ადასტურებს, რომ რუსეთის ხელისუფლება აქტიურად ეხმარება „ქართული ოცნების“ მმართველ გუნდს.

„თუ ვინმე ჯერ კიდევ ფიქრობს, რომ ქუჩის პროტესტები უბრალოდ ლოკალური ბრძოლაა ოპოზიციასა და მთავრობას შორის, რუსეთის დაზვერვის განცხადება საპირისპიროს ადასტურებს. ეს რუსეთის პირდაპირი ჩართულობაა ივანიშვილის მხარდაჭერაში“, - წერს იუკნევიჩიენე.

დეპუტატი ყურადღებას ამახვილებს იმაზე, რომ რუსეთი ზრუნავს არა მხოლოდ ბელარუსში, არამედ საქართველოში, სადაც „კრემლი მხარს უჭერს „ქართული ოცნების“ რეჟიმს“. იგი განმარტავს, რომ რუსეთის მიზანი არის იმ ქვეყნებში მისი გავლენის ხელმეორედ დამყარება, რაც მან ადრე საკუთარ კანონიერ სფეროდ მიიჩნია.

„როგორც კრემლმა მხარი დაუჭირა ლუკაშენკოს, ახლა ივანიშვილის უჭერს მხარს. რუსეთი მართავს „ქართულ ოცნებას“. ეს მხოლოდ საქართველოზე არაა. ეს იმაზეა, რომ რუსეთი ცდილობს დაბრუნდეს იმ გავლენის სფეროში, რომელიც მისი ინტერესების სფერო იყო“, - წერს იუკნევიჩიენე.

დეპუტატი ასევე ხაზს უსვამს, რომ ევროკავშირის ქვეყნებისთვის ეს ნათელი სიგნალი უნდა იყოს, რომ მათ მხარი უნდა დაუჭირონ ქართველ ხალხს და არა რუსეთის ინტერესებს.

ცნობისთვის, რუსეთის საგარეო დაზვერვის სამსახურის განცხადებაში ნათქვამია, რომ ევროკავშირი მზად არის, ქართველ ახალგაზრდებს გადაუხადოს ფული ანტისამთავრობო გამოსვლებში მონაწილეობისათვის. როგორც განცხადებაში წერია, თითო მონაწილისთვის დღეში 120 ევროს გადახდა იგეგმება.

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება