„გვესმის, რომ ევროპაში დიდი გეოპოლიტიკური ტურბულენტობაა, დასავლეთის ქვეყნებში უკრაინისა და სხვა მრავალი საკითხის გამო, მაგრამ დასავლეთი ამ ყველაფრიდან გაცილებით უფრო ძლიერი გამოვა, ვიდრე აქამდე იყო, რაც ნიშნავს ქართველი ხალხის გამარჯვების კიდევ უფრო მეტ გარანტიას“, - განაცხადა „სტრატეგია აღმაშენებლის“ ლიდერმა, გიორგი ვაშაძემ ევროპარლამენტარ რასა იუკნევიჩიანესთან ოპოზიციონერი ლიდერების შეხვედრის დასრულების შემდეგ.

ვაშაძის თქმით, ევროსაბჭოს რეზოლუციამ საქართველოში ახალი არჩევნების მოთხოვნას საფუძველი დაუდო.

„არაღიარების პოლიტიკიდან ახალი არჩევნების მოთხოვნამდე - ევროსაბჭოს რეზოლუციამ ამას საფუძველი დაუდო საგარეო საქმეთა მინისტრების შეხვედრაზე. ერთადერთი მესიჯი, რაც გვესმოდა, იყო ახალი არჩევნები და ეს იყო ძალიან მკაფიო, რაც აქამდე არ იყო.

მეორე მნიშვნელოვანი ნაწილი - გვესმის, რომ ევროპაში დიდი გეოპოლიტიკური ტურბულენტობაა, უკრაინისა და სხვა მრავალი საკითხის გამო. ახალი უსაფრთხოების ქოლგა, ახალი უსაფრთხოება, ახალი ეკონომიკური მოდელები, მაგრამ მკაფიოდ უნდა ვთქვათ, რომ დასავლეთი ამ ყველაფრიდან გაცილებით უფრო ძლიერი გამოვა, ვიდრე აქამდე იყო, რაც ნიშნავს ჩვენი, თქვენი დემოკრატიული ძალების და ქართველი ხალხის გამარჯვების კიდევ უფრო მეტ გარანტიას.

კონკრეტულად რას უნდა ველოდოთ - გერმანიაში ახალი ხელისუფლებაა, რომელიც ძლიერი ევროპის მომხრეა, მკაფიო დემოკრატიული ევროპის მომხრეა, რაც ძალიან მნიშვნელოვანია. ჩვენ უნდა ველოდოთ იმას, რომ ჩვენს ერთიან პოზიციასთან ერთად - არაფრის გარდა პოლიტპატიმრების გათავისუფლებისა და ახალი არჩევნების ახალი წესებით, არ განიხილება და არ დევს მაგიდაზე. ეს იქნება კიდევ უფრო მყარი, მკაფიო მხარდაჭერა ჩვენი პარტნიორების მხრიდან, იქნება ეს ორმხრივი სანქციები, იქნება ეს პირდაპირი წნეხი თვითმარქვია ავტორიტარული რეჟიმის მიმართ, იქნება სხვა ნაბიჯები, რაზეც ღიად და საჯაროდ ვერ ვისაუბრებ.

საბოლოო ჯამში, ვფიქრობ, რომ ჩვენაც გაძლიერებულები გამოვალთ და ევროპაც, ხოლო რაც შეეხება რუსეთუმეებს, მათი ადგილი სხვაგან იქნება“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან