ეგვიპტის საჰაერო-საბრძოლო ძალებმა ლიბიაში ჯიჰადისტების დაჯგუფება „ისლამური სახელმწიფოს“ პოზიციებზე ავიაიერიში განახორციელეს.

„ბი ბი სის“ ინფორმაციით , საჰაერო-საბრძოლო ძალებმა აღიშნული ქმედება ჯიჰადისტების მიერ 21ქრისტიანი ეგვიპტელის მკვლელობამ და ამ მკვლელობის ამსახველი ვიდეოს სოციალურ ქსელში განთავსებამ გამოიწვია.

ეგვიპტის ხელისუფლების  განცხადებით, მებრძოლებმა საჰაერო იერიში სწავლების ფარგლებში მხოლოდ საწვრთნელ ბაზებზე განახორციელეს. თუმცა თვითმხილველების ინფორმაციით, იერიში ქალაქ „დერნაზე“ განხორციელდა.

ამასთან, ქრისტიანების სიკვდილით დასჯას ეგვიპტის პრეზიდენტი აბდელ ჰათაჰ ალ სისი გამოეხმაურა და აღნიშნა, რომ თუ ვიდეოს უტყუარობა დადასტურდა, ეგვიპტე შურს იძიებს ჯიჰადისტებზე.

შეგახსენებთ, რომ „ისლამურ სახელმწიფოსთან“  დაკავშირებულმა ლიბიელმა ჯიჰადისტებმა 21 ქრისტიანი ეგვიპტელი მოკლეს. მათ ქრისტიანებისთვის თავის მოკვეთის ამსახველი ვიდეომასალა ინტერნეტით გაავრცელეს.

ვიდეომასალაში ჯიჰადისტების ერთ-ერთი ლიდერი ასე მიმართავს  ქრისტიანულ სამყაროს- „ჯვაროსნებს უსაფრთხოებაზე მხოლოდ ოცნება შეგიძლიათ”.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება