2025-02-14 14:36:08, 394 ნახვა
პოლიტიკა
სალომე ზურაბიშვილი მიუნხენში ლიეტუვისა და ლატვიის პრეზიდენტებს შეხვდება
დღეს საქართველოს მე-5 პრეზიდენტი სალომე ზურაბიშვილი მიუნხენის უსაფრთხოების კონფერენციის ფარგლებში, ორმხრივ შეხვედრებს გამართავს და ლიეტუვისა და ლატვიის პრეზიდენტებს შეხვდება.
გავრცელებული ინფორმაციით, დღესვე თბილისის დროით 20:30 საათზე გაიმართება პანელური დისკუსია „საქართველო ყურადღების ცენტრში“, სადაც პრეზიდენტი ზურაბიშვილი დისკუსიაზე დამსწრეთა შეკითხვებს უპასუხებს და ქვეყანაში არსებულ მდგომარეობასა და გამოწვევებზე ისაუბრებს.
დღესვე სალომე ზურაბიშვილი შეხვდება ევროპოლის აღმასრულებელ დირექტორს, კეტრინ დე ბოლს.
ავტორი: ექსპრესნიუსი,
epn.ge (@expressnews.ge)
