2025-02-06 16:11:11, 412 ნახვა
მსოფლიო
მარკო რუბიო - ღაზას მოსახლეობის გადაადგილება დროებითი იქნება
აშშ-ის პრეზიდენტის, დონალდ ტრამპის წინადადება ღაზას სექტორიდან მოსახლეობის განსახლების შესახებ მხოლოდ დროებით იმოქმედებს, - ამის შესახებ აშშ-ის სახელმწიფო მდივანმა, მარკო რუბიომ განაცხადა.
მისი თქმით, პრეზიდენტ ტრამპის წინადადება „ძალიან დიდსულოვანი“ შეთავაზებაა ღაზას სექტორის ნამსხვრევებისგან გათავისუფლებისა და ანკლავის რეკონსტრუქციაში დახმარების გაწევის მიზნით.
„ცხადია, რეკონსტრუქციის პერიოდში ხალხს, დროებით, სხვაგან ცხოვრება მოუწევს“, - აღნიშნა რუბიომ.
ამასთან, თეთრი სახლის პრესსპიკერმა, კაროლინ ლევიტმა განაცხადა, რომ ამჟამად ღაზას სექტორი ადამიანების საცხოვრებლად არახელსაყრელია და იმის შეთავაზება, რომ ადამიანებმა ასეთ მძიმე პირობებში იცხოვრონ, ბოროტება იქნება.
ავტორი: ექსპრესნიუსი,
epn.ge (@expressnews.ge)
