,,რესპუბლიკელები" კოალიციაში ვრჩებით და არჩევნებში წარმატების შემთხვევაში ზოგიერთს ისევ მოუწევთ ჩვენი ატანა, - ამის შესახებ პარტიის ერთ-ერთმა ლიდერმა ლევან ბერძენიშვილმა ჟურნალისტებთან საუბრისას აღნიშნა.

დეპუტატმა ორპარტიულ თანამშრომლობაზე გაამახვილა ყურადღება, რომელზეც პარლამენტის თავმჯდომარე დავით უსუფაშვილმა, გუშინ "რესპუბლიკელებისა" და პრემიერის შეხვედრის დასრულების შემდეგ ისაუბრა.

როგორც ბერძენიშვილმა აღნიშნა, „მრეწველებსა“ და „რესპუბლიკელებს“ შორის პრობლემა  არ არის. პრობლემა არის ნატოსა და კოალიციას შორის ცალკეულ მოსაზრებებს შორის.

„ორპარტიული თანამშრომლობა ნიშნავს, რომ ორი პარტია - „რესპუბლიკური პარტია“ და „ქართული ოცნება“, იმუშავებენ დოკუმენტზე, სადაც შეაჯერებენ ხედვებს და მოაწერენ ხელს შეთანხმებას, რომელიც არის ჩვეულებრივ, ნორმალურ, წესიერ ქვეყნებში კოალიციებში შემავალ პარტიებს შორის. ვრჩებით კოალიციაში, ვრჩებით კოალიციაში საარჩევნოდ და წარმატების შემთხვევაში ზოგიერთს მოუწევს ჩვენი ატანა,"- განაცხადა ბერძენიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება