2025-01-13 19:11:48, 412 ნახვა
მსოფლიო
ჯო უილსონი - შევხვდი დონალდ ტრამპს და ვუთხარი ივანიშვილის რეჟიმის შესახებ
ჰელსინკის კომისიის თავმჯდომარემ, რესპუბლიკელმა კონგრესმენმა ჯო უილსონმა, სოციალურ ქსელ X-ზე განაცხადა, რომ შეხვდა აშშ-ის ახლად არჩეულ პრეზიდენტს, დონალდ ტრამპს და საქართველოს მიმდინარე პოლიტიკურ სიტუაციაზე ინფორმაცია მიაწოდა.
„მადლობელი ვარ, რომ შევხვდი დონალდ ტრამპს. მე მას ვუთხარი ივანიშვილის რეჟიმის მიერ თავისუფლებაზე თავდასხმის შესახებ, ასევე ჩინეთის კომუნისტურ პარტიასთან და ირანის რეჟიმთან კორუფციული სქემების შესახებ, რომელიც აპირებდა მის მკვლელობას. მე ასევე გავუზიარე ჩვენი წერილი „საქართველოს მეგობრები“, - წერს უილსონი.
უილსონის თქმით, მისი მთავარი მიზანია, საქართველოს დემოკრატიული განვითარება საერთაშორისო დღის წესრიგში დარჩეს.
ავტორი: ექსპრესნიუსი,
epn.ge (@expressnews.ge)
