საქართველოს პარლამენტში პრეზიდენტის ასარჩევად კენჭისყრა დასრულდა.

როგორც საქართველოს ცენტრალური საარჩევნო კომისიის თავმჯდომარე გიორგი კალანდარიშვილმა საქართველოს პარლამენტში განაცხადა, კენჭისყრის პროცესის დასრულების შემდეგ ხმების დათვლა მოხდება.

„პატივცემულო ქალბატონებო და ბატონებო, საარჩევნო კოლეგიის წევრებო, 2 საათი შესრულდა. შესაბამისად, კენჭისყრის პროცესი დასრულებულია. აქ იმყოფებიან ცენტრალური საარჩევნო კომისიის  წევრები და ჩვენ გადავინაცვლებთ სხდომათა დარბაზში, სადაც განხორციელდება ხმების დათვლა, შედეგების დადგენა და შემაჯამებელი ოქმის შედგენა, რის შემდგომაც გაგაცნობთ შესაბამის შედეგებს.

მანამდე კი, მე მინდა ვთხოვო სამდივნოს, რომ განახორციელონ ყველა ის მნიშვნელოვანი პროცედურა ყუთის დალუქვიდან დაწყებული შესაბამის გამოუყენებელი ბიულეტინების დალუქვით, რის შემდგომაც გთხოვთ, რომ წამოვიღოთ აღნიშნული ინვენტარი სხდომათა დარბაზში, სადაც განხორციელდება ცესკოს სხდომაზე შესაბამისი მონაცემების დადგენა“,- განაცხადა კალანარიშვილმა. 

შეგახსენებთ, დღეს 14 დეკემბერს საქართველოს პარლამენტში პრეზიდენტის აჩევნები ჩატარდა. 

პროცედურა პარლამენტის პლენარულ სხდომათა დარბაზში გაიმართა.

ხმის მიცემის დაწყებამდე კოლეგიის წევრებს კენჭისყრის პროცედურა ცესკოს თავმჯდომარემ, გიორგი კალანდარიშვილმა გააცნო.

ავტორი: ექსპრესნიუსი,

სოციალური ქსელები

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა

სააკაშვილი: ზურაბიშვილი საქართველოს ისტორიაში ყველაზე ცუდი საგარეო საქმეთა მინისტრი იყო