ხაზარაძე - არალეგიტიმურ, თვითმარქვია პრემიერთან დებატების გახსნა მიზანშეწონილად არ მიმაჩნია

2024-12-04 15:52:21, 407 ნახვა

პოლიტიკა

არ მიმაჩნია მიზანშეწონილად დებატების გახსნა არალეგიტიმურ, თვითმარქვია პრემიერთან, რომლის პოლიტიკამაც შეაჩერა ევროკავშირში ინტეგრაციის პროცესი და შეწყვიტა სტრატეგიული პარტნიორობა აშშ-სთან,- ამის შესახებ კოალიცია "ძლიერი საქართველოს" ლიდერი მამუკა ხაზარაძე სოციალურ ქსელ "ფეისბუქზე" წერს.

როგორც ხაზარაძე აღნიშნავს, რამე ფორმის დებატებზე საუბარი აბსურდია.

"არ მიმაჩნია მიზანშეწონილად დებატების გახსნა არალეგიტიმურ, თვითმარქვია პრემიერთან, რომლის პოლიტიკამაც შეაჩერა ევროკავშირში ინტეგრაციის პროცესი და შეწყვიტა სტრატეგიული პარტნიორობა აშშ-სთან, რაც მთავარია, მოიპარა არჩევნები და მიიტაცა ხელისუფლება.

აბსურდია რამე ფორმის დებატებზე საუბარი. ამის ნაცვლად, დაუყოვნებლივ უმკაცრესად უნდა დაისაჯონ პოლიციის ფორმაში გადაცმული კრიმინალები, რომლებიც ასახიჩრებენ და ძალადობენ აქციებში მონაწილე ახალგაზრდებზე! ასევე, გათავისუფლდნენ დაკავებული მოქალაქეები!

ერთადერთი სალაპარაკო არალეგიტიმურ "რუსულ ოცნებასთან" არის საკითხი - როდის ჩაინიშნება ახალი არჩევნების თარიღი!"- წერს ხაზარაძე.