ბიზნესმენი ლევან ვასაძე სამოქალაქო განათლების შემდეგ საგნებს - "სამოქალაქო განათლება", "სამოქალაქო თავდაცვა და უსაფრთხოება",  "საგზაო ნიშნები და მოძრაობის უსაფრთხოება"  "ვაი საგნებს" უწოდებს.

"საერთოდ საგანი "მე და საზოგადოება" უფრო დიდი პროგრამის ნაწილია, რომელიც  ე.წ. საზოგადოებრივი მეცნიერებებისა და სამოქალაქო განათლების სახელს ატარებს და რომელიც წლიდან წლამდე მინისტრიდან მინისტრამდე ინერგება ჩვენს სკოლებში და აჩოჩებს და ავიწროებს ნამდვილად აკადემიურ განათლებას. უკვე დანერგილია სამოქალაქო ე.წ. განათლების ისეთი ვაი საგნები, როგორიცაა სამოქალაქო განათლება, ორი საათი მეცხრე კლასში  და სამი  საათი მეათე კლასში. სამოქალაქო თავდაცვა და უსაფრთხოება, საგზაო ნიშნები და მოძრაობის უსაფრთხოება და.ა.შ . ეს საათები იგეგმება ისეთი სასიცოცხლო საგნების ხარჯზე, როგორიცაა მათემატიკა, ქიმია, ბიოლოგია,  სპორტი და სხვა",-განაცხადა ლევან ვასაძემ.

ცნობისთვის, განათლებისა და მეცნიერების მინისტრის თამარ სანიკიძის  ინფორმაციით, საგანს საბოლოო ჯამში საზოგადოებრივი მეცნიერების საფუძვლები დაერქმევა:

„ის სტანდარტი, რომლზედაც ვმუშაობდით მე-3 მე-4 კლასელებისთვის, იქიდან ეს საკითხები მთლიანად ამოვა და ამ საგანს საბოლოო ჯამში დაერქმევა საზოგადოებრივი მეცნიერების საფუძვლები, რომელიც იქნება ის საბაზო განათლება საზოგადოებრივი მეცნიერების კუთხით, რომელიც ნამდვილად გადაუდებლად გვჭირდება. ამჯერად მესამე, მეოთხე კლასში, მაგრამ ჩვენ თუ გადავხედავთ ქვეყნების გამოცდილებას, ამ ქვეყნებს საზოგადოებრივი მეცნიერებები დანერგილი აქვთ სკოლამდელი განათლების ნაწილიდან“,-განაცხადა თამარ სანიკიძემ და დასძინა, რომ უცხო ქვეყნების და საქართველოს საზოგადოებრივ მეცნიერებებს რომლებსაც მე-3, მე-4 კლასში ნერგავენ „არაფერი საერთო არ აქვთ იმ ტყუილთან, ცილისწამებასთან, რაც რამდენიმე ადამიანის მხრიდან გაჟღერდა“, - აღნიშნა  განათლების მინისტრმა მთავრობის ერთ-ერთი  სხდომის დასრულების შემდეგ ჟურნალისტებთან საუბრისას.

შეგახსენებთ, შექმნილია პეტიცია, რომელიც სკოლებში  „ეროვნული იდენტობის შეურაცხმყოფელი საგნების არდაშვებას“ ითხოვს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო

20 ივნისის საქმეზე გიორგი გახარიას წინააღმდეგ მაკო გომურმა სასამართლოს ჩვენება მისცა