საქართველოს პრეზიდენტი გიორგი მარგველაშვილი დარწმუნებულია, რომ „თავისუფალი დემოკრატების“ გენერალურ მდივან ალექსი პეტრიაშვილზე თავდასხმის საქმე უახლოეს მომავალში გაიხსნება.

როგორც პრეზიდენტმა უშიშროების საბჭოს სხდომის დასრულების შემდეგ ჟურნალისტებს განუცხადა, აღნიშნული საკითხი სხდომის დღის წესრიგში არ იყო, თუმცა მან პეტრიაშვილის მდგომარეობა მოიკითხა.

„ბუნებრივია ეს არის იყო უშიშროების საბჭოს დღის წესრიგში, მაგრამ ბატონი ალექსი, რომელიც ჩვენთვის ყველასთვის ახლო ადამიანია, მოვიკითხეთ. ეს საქმე დარწმუნებული ვარ, რომ ახლო მომავალში გაიხსნება“, - განაცხადა პრეიზდენტმა.

ჟურნალისტის კითხვაზე - გაზრდილია თუ არა ქვეყანაში კრიმინალი, პრეზიდენტმა უპასუხა, რომ ყველა სახელმწიფო უწყებამ, განსაკუთრებით შინაგან საქმეთა სამინისტრომ და პროკურატურამ უნდა იმუშაოს, რომ ასეთი დანაშაული არ ხდებოდეს.

„ერთი დანაშაულიდან გამომდინარე, ბუნებრივია, განზოგადებას ვერ გავაკეთებთ“, - განაცხადა გიორგი მარგველაშვილმა.

შეგახსენებთ,  გუშინ, თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს. მას გუშინ რესპუბლიკურ საავადმყოფოში ოპერაცია ჩაუტარდა. პეტრიაშვილის მდგომარეობა სტაბილურია.

შინაგან საქმეთა სამინისტროს თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება