არჩევნები პოლარიზებულ გარემოში გაიმართა, რომელიც არ ითვალისწინებდა თანასწორობას და გამჭვირვალობას,- ამის შესახებ არჩევნების მონიტორინგის ორგანიზაციების ევროპული ქსელის (ENEMO) სადამკვირვებლო მისიის ხელმძღვანელმა, ზლატკო ვუიოვიჩმა განაცხადა.

ვუიოვიჩის თქმით, მიუხედავად იმისა, რომ საარჩევნო ადმინისტრაციამ პროცესი, ზოგადად, პროფესიონალურად და ეფექტურად წარმართა, ENEMO-მ გამოთქვა შეშფოთება ცესკოს დამოუკიდებლობასა და მიუკერძოებლობასთან დაკავშირებით.

"არჩევნები პოლარიზებულ გარემოში გაიმართა, რომელიც არ ითვალისწინებდა თანასწორობას და გამჭვირვალობას. გამოვლინდა ოპოზიციის მიმართ გამოხატული ძალადობა, ასევე ადმინისტრაციული რესურსის არაჯეროვნად გამოყენება, ზეწოლა იქნა განხორციელებული სამოქალაქო საზოგადოებისა და ჟურნალისტების მიმართ. ENEMO წუხს ცესკოს დამოუკიდებლობასა და მიუკერძოებლობაზე. ჯამურმა დარღვევებმა საგრძნობლად მოახდინა გავლენა საარჩევნო პროცესის დემოკრატიულ ხასიათზე.

ასევე, ანგარიში ეხება წინასაარჩევნო პროცესებს და ხაზგასმით ვიტყვით, რომ პროცესი მიმდინარეობდა დაძაბულ გარემოში, იყო გავრცელებული დეზინფორმაციის კამპანიებიც, ინკლუზიურობას და თანასწორობას ეს პროცესები აფერხებდა",- განაცხადა ვუიოვიჩმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს