დიდი უბედურება გვემუქრება, თუ 26-ში ყველანი არ დავირაზმეთ და არ მივედით საარჩევნო უბნებში,- ამის შესახებ საქართველოს მესამე პრეზიდენტის, მიხეილ სააკაშვილის მიმართვაშია ნათქვამი.

სააკაშვილის განცხადებით, „საქართველო სასიკვდილო საფრთხეშია!

„მეგობრებო, რა დროს სოციალური დაპირებები და ფერადი კლიპებია! 

ჩვენ ხომ სინამდვილეში სამშობლოს ვკარგავთ, დიდი უბედურება გვემუქრება, თუ 26-ში ყველანი არ დავირაზმეთ და არ მივედით საარჩევნო უბნებში. ჩვენ არა მხოლოდ უვიზო მიმოსვლას დავკარგავთ, არა მხოლოდ ქვეყანა მკვეთრად გაღარიბდება, არამედ ის საერთოდ აღარ გვექნება და რუსეთის ჩვეულებრივი ნაწილი გავხდებით.

ამიტომ, დაპირებებში კი ნუ ვეჯიბრებით ერთმანეთს, არამედ ყველამ ჩავკიდოთ ერთმანეთს ხელი, მივიყვანოთ ყველამ ჩვენი ამომრჩეველი საარჩევნო უბნებთან და ასე ერთიანობით გადავარჩინოთ საქართველო.

მოვუწოდებ ყველა პარტიას და აქტიურ ადამიანს, დავეხმაროთ თბილისში მყოფ, რეგიონებიდან ჩამოსულ ამომრჩევლებს თავისი რეგისტრაციის უბნებზე ტრანსპორტირებაში, ავტობუსებით და თუ ავტობუსებს დაბლოკავენ, კერძო მანქანებით. თითოეული ხმის დაკარგვა სასიკვდილო საშიშროებას შეიცავს, მხოლოდ სრული მობილიზაციაა გამოსავალი! - აღნიშნულია ექსპრეზიდენტის მიმართვაში.

ავტორი: ექსპრესნიუსი,

სოციალური ქსელები

საგამოძიებო: ორ სხვადასხვა კორუფციულ საქმეზე ორი პირი დავაკავეთ

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen