ევროკავშირი უკრაინელი სამხედროების მომზადების მისიას 2 წლით გაახანგრძლივებს,- ამის შესახებ ევროკავშირის უმაღლესმა წარმომადგენელმა, ჯოზეფ ბორელმა ჟურნალისტებთან განაცხადა. 

ბორელის თქმით, ამჟამად უკრაინის შეიარაღებული ძალები "მთელი ფრონტის ხაზზე დიდი ზეწოლის ქვეშ იმყოფება".

"ჩვენ უნდა მივაწოდოთ მეტი შესაძლებლობა უკრაინის შეიარაღებულ ძალებს და გავზარდოთ ჩვენი სასწავლო მისია. EUMAM-ის მისიის მანდატს მომდევნო 2 წლის განმავლობაშიც გავაგრძელებთ",- განაცხადა ბორელმა, რომელიც იმედოვნებს, რომ ევროკავშირის საბჭოში ამ გადაწყვეტილებაზე კონსენსუსი იქნება.

ბორელი ასევე შეეხო ევროპის მშვიდობის ფონდის თანხების დაბლოკვის საკითხს, რომელიც წევრ ქვეყნებს უკრაინისთვის გაწეული სამხედრო დახმარების საკომპენსაციოდ ეგზავნებათ.

ევროკავშირის უმაღლესმა წარმომადგენელმა პირობა დადო, რომ საჭირო გადაწყვეტილების მიღების შემდეგ, უკრაინას ეწვევა და მისი მანდატის დასრულებამდე აღნიშნული თანხების განბლოკვა მოხდება.

ავტორი: ექსპრესნიუსი,

სოციალური ქსელები

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა