"ნაციონალურ მოძრაობაში" "გაზპრომთან" მიმდინარე მოლაპარაკებებს აფასებენ და აცხადებენ, რომ მოლაპარაკებების პროცესში ეროვნული ინტერესები არ არის გათვალისწინებული.

როგორც "ნაციონალური მოძრაობის" წევრმა, ზურაბ ჭიაბერაშვილმა აღნიშნა, "ქართული ოცნება" რუსეთთან ურთიერთობის დალაგებას პირდებოდა, საბოლოო ჯამში კი მინისტრი კალაძე საქართველოს ეროვნულ ინტერესებს ყიდის.

„ჩვენთვის მომგებიან ხელშეკრულებას რუსეთთან თანხმობით ცვლის იმგვარად, რაც არანაირად არ შეესაბამება ჩვენს ეკონომიკურ და სტრატეგიულ ინტერესებს.  შეუძლებელია, რომ ქვეყანა, რომელიც ოკუპირებულია მეზობელი ქვეყნის მიერ ცდილობდეს, რომ თავის თავი კიდევ უფრო დამოკიდებული გახადოს მეზობელი ქვეყნის ინტერესებზე", - განაცხადა ზურაბ ჭიაბერაშვილი. 

შეგახსენებთ, "გაზპრომთან" მოლაპარაკებები ამ დრომდე მიმდინარეობს. რუსეთი სომხეთისთვის მიწოდებული გაზის სანაცვლოდ საქართველოს ფულად ანაზღაურებას სთავაზობს, რაზეც ქართული მხარე თანახმა არ არის. ამ დრომდე არსებული შეთანხმებით საქართველო რუსეთის მიერ სომხეთისთვის მიწოდებული გაზის 10%-ს იღებდა, რაც გაცილებით მეტია იმ ფულად თანხაზე, რასაც რუსეთი დღესდღეობით საქართველოს სთავაზობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა